ଲାଇବ୍ରେରୀ
ପ୍ରୋଫାଇଲ୍
ସ୍ମୃତି ଜହ୍ନ
ସ୍ମୃତି ଜହ୍ନ
1 min
382
ସ୍ମୃତିରେ ସାଇତା ଗୋପନ ପ୍ରଣୟ
ସ୍ମୃତି ସନ୍ଧ୍ୟା ନଦୀ ତୀରେ
ସ୍ମୃତି ଶାମୁକାରୁ ଖୋଜୁଛି ମୁକୁତା
ସ୍ମୃତି ଭିଜା ଶ୍ରାବଣରେ ll
ସ୍ମୃତି ଆଜି ମୋର ହୃଦୟ ମନ୍ଦିରେ
ସ୍ମୃତି ପାରିଜାତ ହୋଇ
ସ୍ମୃତିର ପାଖୁଡା ଫୁଟି ମଉଳୁଛି
ସ୍ମୃତି ବାସ ଚହଟାଇ ll
ସ୍ମୃତି କାକଳିର ପ୍ରୀତି କୁଞ୍ଜବନେ
ସ୍ମୃତି ତାନ ଝରିଆସେ
ସ୍ମୃତିର ବେସୁରା ରାଗିଣୀ ଝଙ୍କାର
ସ୍ମୃତିର ବିରହ ରସେ ll
ସ୍ମୃତି ରେଖା ମନେ ଆଙ୍କି ମୋ ଦେଇଛ
ସ୍ମୃତି ରଙ୍ଗ ତୂଳୀ ଧରି
ସ୍ମୃତିର ସେ ରଙ୍ଗ ଲିଭାଇ ପାରୁନି
ସ୍ମୃତି ହୁଏନି ପାଶୋରି ll
ସ୍ମୃତିର ମହଲ ତୋଳି ଥିଲ ଯେଉଁ
ସ୍ମୃତିର ଅଳକା ନନ୍ଦା
ସ୍ମୃତିର ପାଉଁଜି ରୁଣୁଝୁଣୁ ଶୁଭେ
ସ୍ମୃତି ତମ ପାଦ ଛନ୍ଦା ll
ସ୍ମୃତି ମଦିରାକୁ ପାନ କରି ଆଜି
ସ୍ମୃତି ଗର୍ଭେ ହେବି ଲୀନ
ସ୍ମୃତି ମନ୍ଦାକିନୀ ମୋ ପ୍ରିୟା ମାନସୀ
ସ୍ମୃତି ତମେ ରୂପାଜହ୍ନ ll
