ସ୍ମୃତି ଗୋ ତୁମେ ଆସ

ସ୍ମୃତି ଗୋ ତୁମେ ଆସ

ନିରୋଳା ପ୍ରାଣକୁ ଆନ୍ଦୋଳିତ କରି

ଅତୀତ ର ଅପାସୋରା

ପସରା ଖୋଲି ବସ l

ସ୍ମୃତି ଗୋ ତୁମେ ଆସ

ନୃତ୍ୟ ରତା ମୟୂରେ ଟେ ସାଜି

ଉତଫୁଲିତ କରି ମନ

ହୃଦୟ କନ୍ଦରେ ବସ l

ସ୍ମୃତି ଗୋ ତୁମେ ଆସ

ଏକାନ୍ତ ରେ ବସି ଗୁଣୁଗୁଣୁ ଭାଷି

ମନକୁ ମୋହର ତୋଷ

ଚହଟାଇ ତୁମ ବାସ l

ସ୍ମୃତି ଗୋ ତୁମେ ଆସ

କେବେ ତୀକ୍ଷ୍ଣ ପ୍ରହାରେ କ୍ଷତାକ୍ତ କରି

ତାଚ୍ଛଲ୍ୟ ଭରେ ହସ

ବିଷର୍ଣ୍ଣ ବଦନେ ଭାଷ l

ସ୍ମୃତି ଗୋ ତୁମେ ଆସ

ପୁଣି ଜହ୍ନ ର ରୂପେଲି ଜୋତ୍ସନା ଢାଳି

ଶୀତଳତା ଦେହେ ଭରି

ହରି ତାପିତ ର କ୍ଳେଶ l

ସ୍ମୃତି ଗୋ ତୁମେ ଆସ

ଜୀବନ୍ତ ଜୀବନ ର ପରକାଳ ଲିପି

ହାତ ପାହାନ୍ତା ମୁହୂର୍ତ୍ତ

ପଲକ ଝପଟେ ବିଚ୍ଛେଦ ଆଭାସ l

ସ୍ମୃତି ଗୋ ତୁମେ ଆସ

ଭାବ ର ଭାବନାରେ  ଯାଅ ସଞ୍ଚରି

କାହାଣୀ କବିତା ର ତ୍ରିବେଣୀ

ଯେପରି କାଦମ୍ବିନୀ ରସ l