ସ୍ମୃତି ବର୍ଷାଦିନର

ବର୍ଷା ଦିନର ସେ ଅଭୁଲା ସ୍ମୃତି 

ସ୍କୁଲ ଯିବା ଛାଡି ପାଣିରେ ମସ୍ତି 

କାଗଜ ଡଙ୍ଗାକୁ ନାଳରେ ଭସେଇ 

ଘୁରି ବୁଲୁଥୁଲୁ ବସ୍ତି ରୁ ବସ୍ତି

ସାଙ୍ଗ ସାଥୀଙ୍କୁ ସାଙ୍ଗରେ ନେଇ 

ଗାଁ ଗାଡ଼ିଆରେ ଜାଲ ପକେଇ

ରୋହି ଭାକୁଡ଼ ବାଳିଆ ଧରି 

ଖାଇଲେ ଗାଁ ଭୋଜିକୁ ନେଇ

ବର୍ଷାଦିନର ସେ ଗାଁ ଦାଣ୍ଡ ମଠ 

ନାଳ ନର୍ଦମା ଓ ପୋଖରୀ ତୁଠ 

ମଶା ମାଛି ସବୁ ଏକଜୁଟ ହୋଇ 

ତିଆରି କରନ୍ତି ତାଙ୍କର ପୀଠ

ଏସବୁ ଦେଖି ହୁଏନା ରହି 

ସାଙ୍ଗସାଥୀଙ୍କୁ ସାଙ୍ଗରେ ନେଇ 

କରୁ ପରିଷ୍କାର ଗାଁ ରାସ୍ତା ସାହି 

ଜୀବନ ବିତାଉ ନିରୋଗ ହୋଇ

ଗୁରୁଜନ ସଭିଏଁ ଏମନ୍ତ ଦେଖି 

କୁହନ୍ତି ଖୁସିରେ ପାଖକୁ ଟାଣି 

ବାକୁଲିଟା ଆମ ଯଦିଓ ଚଗଲା 

ହେଲେ ସେ ସଭିଙ୍କ ମଉଡମଣୀ