ସହରିଆ ପୁଅ

ମା'ଲୋ ମା' ତୁ କିଆଁ କାନ୍ଦୁଛୁ? 

ମନେ ମନେ କିଆଁ ତା କଥା ଭାବୁଛୁ? 

ପୁଅ ତୋର ଏବେ ସହରିଆ ବାବୁ 

ତା ଫେରସ୍ତକୁ କିଆଁ ମନେ ତୁ ଧରିଛୁ ।

ସହରର ରାସ୍ତା ସହରର କୋଠା 

ସହରିଆ ଚାଲି ତାକୁ ଯେ ଘାରିଛି                           

କେମିତି ଛାଡିକି ଆସିବ ସେ ସବୁ 

ସହର କାଇଦା ଯେ ମନେ ବସେଇଛି ।

ଝିଅ ତାର ପଢେ ଇଂରାଜୀ ସ୍କୁଲରେ 

ସ୍ତ୍ରୀ କାଟେ ସମୟ ଲେଡିସ କ୍ଲବରେ 

ଛାଡି ଏତେ ସବୁ କିଭଳି ଗାଁରେ 

ଏଡ଼ଜଷ୍ଟ କରିବେ ସପରିବାରେ ।

ମଝିରେ ପୁଅଟି ହୁଏଯେ ଅଧିର 

ଏପଟେ ମା' ଲୁହ ସେପଟେ ପରିବାର

କଣ କରିବ କାହା କଥା ବୁଝିବ 

ଭାବି ଭାବି ମନେ ହୁଏ ଥରହର ।