ସ୍ମୃତି ଅଭୁଲା- ମୋ ଗାଁ

ମୋ ଗାଆଁ ମାଟି ସରଗଠୁ ବଳି

 ଲାଗେ ମୋତେ ଭାରି ଆପଣାର , 

ବିଶାଳ ଜଗତେ ଥିଲେ ବି ଯେଉଁଠି 

ଝୁରେ ତା ପାଇଁ ପ୍ରାଣ ମୋର । 

ଜନ୍ମି ତା କୋଳେ ତା ପାଣି ପବନେ 

ଗଢିଅଛି ଏହି ତନୁ ମନ

ସୁନ୍ଦର ତାହାର ବିଲ ବନ ଲତା

ସାଥୀ ପ୍ରିୟ ବନ୍ଧୁ ପରିଜନ ।

ତା ଆମ୍ର କୁଞ୍ଜର କୁହୁ କୁହୁ ତାନ

 ଫୁଲ ବଉଳର ମଧୁର ବାସ୍ନା

ଯୁଇ ଜାଇ ମଲ୍ଲୀ ମଧୁର ମହକ

କରେ ମୋତେ ଭାରି ଆନମନା ।

ବିମଳ ପ୍ରଭାତେ ପକ୍ଷୀଙ୍କ କାକଳି

 ଗୋଷ୍ଠ ଗୁହାଳରେ ହମ୍ବା ରବ

ଦେବଦେବୀ ପୀଠ ପୂଜା ଆରାଧନା

ଦରଶନ ଗୁରୁ ଲାଭ ଶୁଭ ।

ଉଦୟରୁ ଅସ୍ତ ଚଳନ୍ତି ସୂରୁଜ

ସମୟର ଚକ୍ର ଚିରନ୍ତନୀ

କଳକଳ ସଦା କରମ ଚଞ୍ଚଳ

 ଜୀବନର ଗୁଞ୍ଜେ ପ୍ରତିଧ୍ଵନି ।

ନିବିଡ଼ ବନ୍ଧନେ ସରବେ ଆବଦ୍ଧ

ନାହିଁ ମନାନ୍ତର ଆପଣା ପର

ବାପା ଭାଇ ଦାଦା ଖୁଡିଙ୍କ ସୋହାଗ

ଅମୃତ ଶ୍ରଦ୍ଧା ସ୍ନେହର ଡୋର ।

ସ୍ମରଣ ମାତ୍ରକେ ତା ଅଭୁଲା ସ୍ମୃତି

ଜାଗେ ମନରେ ହରଷ

ଭରିଯାଏ ପ୍ରାଣେ ଅପୂର୍ବ ପୂଲକ

ଆନନ୍ଦ ଜୀବନୋଚ୍ଛ୍ୱ।ସ ।