ସମ୍ପର୍କର ତୁମେ ଅଯୋଗ୍ୟ ଚରିତ

କି ଅବା ପ୍ରକାଶ କରିବି କୋହ କୁ 

ହୃଦୟ କମ୍ପନ କରେ ,,

ଭାବି ଯଦି ବସେ ପୁରୁଣା ସ୍ମୃତିକୁ 

ନୟନୁ ଲୋତକ ଝରେ ।

ନିରୀହ ନୟନ ଭେଦି କି ପାରୁଚି 

ମାୟା ରୂପି ତୁମ ପ୍ରେମ ,,

ପ୍ରେମ ର ମନ୍ଦିର ଗଢି ଥିଲ ଯେଉଁ 

ମହମ ତିଆରି ସମ ।

ଅଜ୍ଞାନତା ଘେରା ଏ ବେନି ନୟନେ 

ବନ୍ଧା ଥିଲା ତୁମ ପ୍ରେମ ,,

ପ୍ରେମ ପ୍ରୀତି ପୂର୍ଣ୍ଣ କଥା ଦେଇଥିବା 

ମିଥ୍ୟା ଯୁକ୍ତ ବ୍ୟକ୍ତ ତୁମ । 

ସ୍ମୃତି କୁ ସାଉଁଟି ଆଣିବାକୁ ଗଲେ 

ସବୁ ମୂଲ୍ୟହୀନ ଲାଗେ ,,

ଅମୂଲ୍ୟ ରତନ ଭାବି ଥିଲି ଯାହା 

ପ୍ରଣୟ ର ଅନୁରାଗେ ।

ବିବସ କରାଇ ପ୍ରେମ କୁ ହରାଇ 

ଧରାଶାୟୀ କରିଦେଲ ,,

ମନ ମୋ ତୁଟାଇ ଭୂମିରେ ଲୋଟାଇ 

ଗର୍ବ ମୋର ଚୂର୍ଣ୍ଣ କଲ ।

ଥିଲି ତୁମ ପ୍ରେମେ ଗରବି ପ୍ରିୟସୀ

ସତ ପ୍ରେମ ଭାବ ନେଇ ,,

କ୍ଷୁଣ୍ଣ କରିଦେଲ ସତ୍ୟ ର ଘାଟିରେ 

ପଛୁ ମୋତେ ଠେଲି ଦେଇ ।

ଠୋଓ.. ଠୋଓ.. କାର ହସିବି କାନ୍ଦିବି 

ତୁମ ସ୍ମୃତି ସବୁ ନେଇ ,,

କି କରିବି ପ୍ରିୟ କହିବ କି ମୋତେ

ତୁମ ତୁଚ୍ଛ ପ୍ରେମ ପାଇଁ ।

ପୁରସ୍କୃତ କିବା କରିବି ତୁମକୁ

ତୁମ ମହାନତା ନେଇ ,,

ଅଟ୍ଟ ହାସ୍ୟ ଚିତ୍ତେ ଭାବିଲେ ଭି ସତେ 

ରହିକି ପାରୁଛି ମୁଁହି ।

ସମ୍ପର୍କ ର ତୁମେ ଅଯୋଗ୍ୟ ଚରିତ 

ଚରିତ୍ର ରେ ଖଳ ନେଇ ,,

ବର୍ଣ୍ଣନା ର ତୁମେ ଯୋଗ୍ୟ କାହୁଁ ହେବ

ଶବଦ ଭି ଆଉ ନାହିଁ ।