ସମ୍ପର୍କର ସେତୁ
ସମ୍ପର୍କର ସେତୁ
1 min
337
ସମ୍ପର୍କର ସେତୁ
ଏକ
ଅମାନିଆ ନଇ ପରି
ମାନ ଅଭିମାନର ସୁଅ ଛୁଟି ଥାଏ
ଅହନିଶି ।
କେବେ ସବୁ ଜାଣି ଅଜଣା
କେବେ,
ଅଜାଣତରେ
ଭାଙ୍ଗିରୁଜି ଚୁରମାର
ସମ୍ପର୍କର ସେତୁ ।
ପୁରା ଜୀବନ ବିତିଯାଏ
ଏ ସମ୍ପର୍କକୁ ବୁଝିବାରେ
କେବେ ରାଗ ରୁଷା
କେବେ ମିଛ ଅଭିନୟ
କେବେ ଅଦିନିଆ ଝଡ଼
ଲିଭାଇ ଦିଏ ସବୁ ଚିହ୍ନ ବର୍ଣ୍ଣ,
ବାକି ରହିଯାଏ ଅଞ୍ଜୁଳାଏ ସ୍ମୃତି ।
ଦିନ ସରି ରାତି ଆସେ
ଉଁଏ ପୁଣି ଚାନ୍ଦ
ମୁରୁକି ହସେ
ପ୍ରଶ୍ନବାଚୀ କରେ
ନୀରବତାକୁ,
ନିସଙ୍ଗତାକୁ
ଶିଥିଳ ଦେହକୁ ।