----- " ସମ୍ପର୍କର ଡୋର " -----
----- " ସମ୍ପର୍କର ଡୋର " -----
ଧନ ସମ୍ପତ୍ତି ରେ
ଲୋଭ ନାହିଁ ମୋର
ସୁଖ ପାଇଁ ନାହିଁ ଲୋଭ ।
ଅନ୍ୟ ର ଖୁସିରେ
ପ୍ରଫୁଲ୍ଲିତ ମନ
ସବୁ ଲାଗେ ମତେ ଶୁଭ ।
ସମ୍ପର୍କରେ ବନ୍ଧା
ଜୀବନ ଆମର
ସମ୍ପର୍କ ଛିଡାଏ ନାହିଁ ।
ମଣିଷ ଈଶ୍ୱର
ପଶୁ ପକ୍ଷୀ ସବୁ
ଭକ୍ତି ବଳରେ ବାନ୍ଧଇ ।
ଛିଡି ଗଲେ ଥରେ
ସମ୍ପର୍କର ଡୋର
ଆଉ ଯୋଡି ହୁଏ ନାହିଁ ।
ଜଦି ଯୋଡି ହୁଏ
ମଲା ଗଛ ପରି
ସବୁଜ ସତେଜ କାହିଁ ?
ଅବିଶ୍ବାସ ଥରେ
ଜୀବନେ ଆସିଲେ
ଅପ୍ରିୟ ସତ୍ୟ ବଚନ ।
ଯେତେ ପରକାରେ
ବୁଝାଇ କହିଲେ
ମାନେନା ଅବୁଝା ମନ ।
ଆପଣାର କେହି
ଦୁଃଖ ଦେଲେ ମନେ
ସାମୁଦ୍ରିକ ଝଡ ହୁଏ ।
ଗଙ୍ଗା ଯମୁନା ତ
ବାଟ ଭୁଲିଯାନ୍ତି
ନୟନରୁ ନୀର ବହେ ।
ମନ ଚିହ୍ନି ମନ
ପାଇବା ଏଠି ତ
ସହଜ ହେଇ ନଥାଏ ।
ମଣିଷ ର ମାୟା
ପ୍ରକୃତି ର ଛାୟା
ଅଦୃଶ୍ୟ ରେ ରହି ଥାଏ ।
ଆହେ ମହେଶ୍ୱର
ସବୁ ତ ତୁମର
ଆଉ ସବୁ ଅନ୍ଧକାର ।
ଜୀବନ ନଉକା
ବୁଡିଲା ହେ ମୋର
ସଂଭାଳ ତୁମ ସଂସାର ।
ଜୀବନ ଦୀପ ରେ
ଅଧୁରା ସଳିତା
ସବୁ ବେଳେ ରହିଥାଉ ।
ଯେବେ ତୁମ ମନ
ତେଜୀ ଦିଅ ପ୍ରଭୁ
ଜୀବନେ ଆଲୁଅ ଥାଉ ।