Library
Profile
ସମ୍ପର୍କ
ସମ୍ପର୍କ
1 min
240
ସମ୍ପର୍କ !
ଏକ ଅନାହୁତ ଶବ୍ଦ
ଯାହା ଆପଣାର କରେ
ପୁଣି କରେ କ୍ଷତ ବିକ୍ଷତ।
ସମ୍ପର୍କ !
ଅନ୍ଧକାର ସାଥେ
କ୍ଷୁଦ୍ର ପ୍ରଦୀପ ର
ଯିଏ ନିଜେ ଜଳି ଜଳି
ଦୁନିଆକୁ କରେ ଆଲୋକିତ ।
ସମ୍ପର୍କ !
ଯାହା ପ୍ରତିପାଦନ କରେ
ଅନାବିଳ ସ୍ନେହ,ପ୍ରେମ,ମମତା
ମା ଓ ସନ୍ତାନ ମଧ୍ୟରେ।
ସମ୍ପର୍କ !
ଯାହା ପୁଣି ବନ୍ଧା ପଡ଼ିଯାଏ
ଇର୍ଷା, ଦ୍ୱେଷ, ଅହଂକାର ସମୂହର
ବାଦ ବିବାଦ ସର୍ତ୍ତରେ ।
ସମ୍ପର୍କ !
ଦ୍ବୀପ ଶିଖା ସାଥେ ପତଙ୍ଗ ର
ଯିଏ ମୃତ୍ୟୁ କୁ ଭୃକ୍ଷେପ ନକରି
ପ୍ରେମର ଆହ୍ୱାନକୁ କରେ ଆଲିଙ୍ଗନ।
ସମ୍ପର୍କ !
ହେଉଛି କୁଳୁକୁଳୁ ନାଦ ନଦୀ ଝରଣାର
ହୋଇ ଆତୁର ସମୁଦ୍ରରେ ମିଶିବାକୁ
ବହିଯାଏ ବାଧା ବିଘ୍ନ କରି ପ୍ରତ୍ୟାଖ୍ୟାନ।
ସଂପର୍କ
ଉତ୍ତପ୍ତ ମରୁଭୂମି ଓ ଷୋସାକ୍ତ ମନୁଷ୍ୟର
ମୃଗ ତୃଷ୍ଣା ପରି ଜୀବନର ସନ୍ଧାନରେ
ଦୂର ଦିଗନ୍ତ କୁ ମାଡିଚାଲିଥିବା ଆକୁଳ ଚିତ୍ତର।
ସମ୍ପର୍କ !
କେବେ ପୁଣି ସେହି କାହାଣୀ
ଦିଗହରା ଚାତକର
ଶୁଷ୍କ ଓଠ ଧାରେ ଭରିଥିବା ହସ
କିଛି ଟୋପା ବରଷା ର ବିନ୍ଦୁ ଶ୍ରାବଣ ର।
