ସମ୍ପର୍କ
ସମ୍ପର୍କ
ମଧୁର ସମ୍ପର୍କ ଜୀବନ ଯାତ୍ରାରେ
ମୂଲ୍ୟବାନ ସବୁଠାରୁ
ସମ୍ପର୍କରେ ହୁଏ ସବୁ ସମାଧାନ
କଷ୍ଟ ଦୂର ସବୁଠାରୁ ।
ଆସୁ ପଛେ ଯେତେ ଅଦୃଶ୍ୟ ଘଟଣା
ଜୀବନ ଯାତ୍ରାର ପଥେ
ନିବାରଣ ହୁଏ ସବୁହିଁ ଯନ୍ତ୍ରଣା
ନିଃସ୍ବାର୍ଥ ସମ୍ପର୍କ ପଥେ ।
ସମ୍ପର୍କେ ହୁଅଇ ଏକତ୍ରିତ ଭାବ
ବୁଝି ସବୁକିଛି ହୁଏ
ବୁଝାମଣା କରି ଅଦୃଶ୍ୟ ସ୍ଥିତିକୁ
ନିୟନ୍ତ୍ରଣ କରି ହୁଏ ।
ଆସୁ ଯେତେ କଷ୍ଟ ଝଡ଼ଝଞ୍ଜା ଏଠି
ସମ୍ପର୍କ ହିଁ ମୂଲ୍ୟବାନ
ସମ୍ପର୍କ ବଳରେ ସବୁ ସିଦ୍ଧି ସୁଏ
ସମ୍ପର୍କ ହିଁ ଶ୍ରେଷ୍ଠ ଜ୍ଞାନ ।
ସମ୍ପର୍କ ହିଁ ଶାସ୍ତ୍ର ସମ୍ପର୍କ ହିଁ ନୀତି
ଏକତ୍ରିତ ମନ୍ତ୍ର ଏହି
ଅପୂର୍ବ ମନ୍ତ୍ରକୁ ଜୀବନେ ରଖିବା
ସଫଳତା ମନ୍ତ୍ର ଏହି ।
କର୍ମୀ ହୋଇ ସଦା କର୍ମ କରୁଥିବା
ସମ୍ପର୍କରେ ସେ ଜଡ଼ିତ
ସମ୍ପର୍କ ରଖିଲେ ମିଳେଟି ସାହାଯ୍ୟ
ଜନକଳ୍ୟାଣେ ଗଠିତ ।
ଜନକଲ୍ୟାଣରେ ସମ୍ପର୍କ ଅପୂର୍ବ
ଜଗତ କଲ୍ୟାଣ ପାଇଁ
ସମାଧାନ ହୁଏ ଜଟିଳ ସମସ୍ୟା
ଦେଶର ମଙ୍ଗଳ ପାଇଁ ।
ମଧୁର ସମ୍ପର୍କ ଜୀବନ ଯାତ୍ରାରେ
ମୂଲ୍ୟବାନ ସବୁଠାରୁ
ସମ୍ପର୍କରେ ହୁଏ ସବୁ ସମାଧାନ
କଷ୍ଟ ଦୂର ସବୁଠାରୁ ।