ସମ୍ପର୍କ ସେତୁ

ସମ୍ପର୍କ-ଧନଟି ନ ହୁଅଇ ଊଣା

ଥିଲେ ପ୍ରେମ ଆନ୍ତରିକତା

ଜୀଇଁଥିବା ଯାଏ ତାହାକୁ ସାଉଁଟି

ମିଳେ ଜୀବନ ସାର୍ଥକତା

ତେଣୁ ସେ ଧନେ

ଧନିକେ ଯେ ଗଣା ହୁଅଇ

ସମାଜ ଚକ୍ଷୁରେ ଅରଜି ସୁଖ୍ୟାତି 

ଦର୍ପଣ ସଦୃଶ ରହଇ ।

ଆଦର କରନ୍ତି ତାହାକୁ ସଭିଏଁ

ଗୃହ ଭଲମନ୍ଦ ପଚାରି

ଉଚିତ୍ ପରାମର୍ଶେ ନିଜର ସମ୍ପର୍କେ

ସେତୁଟିଏ ବି ଗଢ଼ି ପାରି

ସୁଖରେ କାଳ

କାଟି ହୁଅଇ ଦକ୍ଷ ଗୃହୀ

ସଂସ୍କାରିତ ମନ ଉତ୍ତମ ବିଚାର

ସଦାଚାର ସଦା କୋଳେଇ ।

ଏପରି ହୃଦୟେ ଉତ୍ସାହର ବାଣୀ

ହୁଏ ଯଦି ପ୍ରତିଧ୍ବନିତ

ଯେଉଁ ସମାଜରେ ତା'ର ଅବସ୍ଥିତି

ଉଦ୍ଯୋଗିଟି ଅନୁପ୍ରାଣିତ

ବାଇଆ ମନ

ନିନ୍ଦା ପ୍ରଶଂସାଠୁ ଉର୍ଦ୍ଧ୍ୱରେ

ରହି ସମାଜର ମଙ୍ଗଳ ପାଇଁକି

ଲାଗୁଥା' କର୍ତ୍ତବ୍ୟ କର୍ମରେ ।