ସମ୍ପର୍କ ର ମାନେ କିଛି ନାହିଁ
ସମ୍ପର୍କ ର ମାନେ କିଛି ନାହିଁ
ସମ୍ପର୍କ ର ମାନେ କିଛି ନାହିଁ,
ମମତା ର ଭାଷା ନାହିଁ ଯହିଁ ।
ପୂଜି ବାର ମାନେ କିଛି ନାହିଁ,
ଭକତି ରହିତ ପୁଷ୍ପ ଦେଇ।
ଗଙ୍ଗା ଗୟା ଗସ୍ତ ମାନେ ନାହିଁ,
ପବିତ୍ରତା ଅନ୍ତରେ ନ ଥାଇ ।
ପ୍ରାର୍ଥନା ର ମାନେ କିଛି ନାହିଁ,
ତ୍ରିକୂଟ ରେ ମନ ନ ଲାଖଇ ।
ଦାନ କରିଵାର ମାନେ ନାହିଁ,
ଗର୍ବ ଅହଂକାର ଲୁଚି ଥାଇ ।
ପ୍ରବଚନ ମାନେ କିଛି ନାହିଁ,
ଜ୍ଞାନ ର ବଡିମା ଯହିଁ ଥାଇ ।
ଜୀବନ ର ମାନେ କିଛି ନାହିଁ,
ହସ ଖୁସି ବିବର୍ଜିତ ହୋଇ ।
ଗାଇବା ର ମାନେ କିଛି ନାହିଁ,
ଯା' ମୂର୍ଚ୍ଛନା ମନ ଛୁଉଁ ନାହିଁ।
ଲେଖିବାର ମାନେ କିଛି ନାହିଁ,
ହୃଦୟ ର ବାର୍ତ୍ତା ନାହିଁ ଯହିଁ ।
ବନ୍ଧୁତା ର ମାନେ କିଛି ନାହିଁ,
ଦୂରୁ ଦେଖି ଟିକେ ନ ହସଇ ।
ମଣିଷ ଜନମ ମାନେ ନାହିଁ,
ଦିନ ରାତି ବିଭୁ ନ ଭଜଇ।