ସଖା-୯

କେଉଁ ଅୟୁତ ଯୁଗରୁ 

ତୋ ସହ ମୋ ସମ୍ପର୍କ କେଜାଣି 

କିଏ ଜାଣୁ ବା ନଜାଣୁ  

କିଏ ବୁଝୁ ବା ନବୁଝୁ 

ମୁଁ ଏକା ଜାଣେ ଆଉ ଜାଣୁ ତୁ ବି l

ଯେବେ ଯେବେ ମୁଁ ତୋତେ

ଦେଖିବାକୁ ଯାଏ 

ତୋ ମଥାରୁ ଫୁଲଟିଏ ଝରାଇ 

ଟିକେ ମୁରୁକି ହସି 

ମୋତେ କରୁ ଆପ୍ୟାୟୀତ 

ତୁ ମୋତେ କହୁନା କିଛି 

ମୁଁ ତୋତେ ମାଗେନା କେବେ l

ମୁଁ ଯଦି କେବେ ମୁହଁ ଶୁଖାଇ ବସେ 

ତୋ ମୁହଁରେ ଦେଖେ ଦୁଃଖର ଛାପ 

କିଏ ଜାଣୁ ବା ନଜାଣୁ 

କିଏ ବୁଝୁ ବା ନବୁଝୁ 

ମୁଁ ଏକା ଜାଣେ ଆଉ ଜାଣୁ ତୁ ବି l

ମୋ ସୁଖରେ ହେଉ କି ଦୁଃଖରେ 

ମୋ ପାପରେ ହେଉ କି ପୁଣ୍ୟରେ 

ତୁ ଏକା ମୋର ସାକ୍ଷୀ ଗୋପାଳ 

କିଏ ଜାଣୁ ବା ନଜାଣୁ 

କିଏ ଶୁଣୁ ବା ନଶୁଣୁ 

ମୁଁ ଏକା ଜାଣେ ଆଉ ଜାଣୁ ତୁ ବି l