ସକାଳୁ ଉଠିଛି ଫୁଲ ମୁଁ ତୋଳିଛି

ସକାଳୁ ଉଠିଛି ଫୁଲ ମୁଁ ତୋଳିଛି

     ଜଗବନ୍ଧୁ ତୁମ ପାଇଁ

ଜୁଇ, ଯାଇ, ହେନା, ଟଗର, ମଲିକା

     ଗୁନ୍ଥି ଦେଇ ପାରୁନାହିଁ

ପ୍ରଭୁ, ତୁମେ ପାଶେ ପାଶେ ଥାଇ ।

ଗୁନ୍ଥିଛି ସରାଗେ ତୁଳସୀର ହାର

     ଭକତି ବାସନା ଦେଇ

ଘୋରିଛି ଚନ୍ଦନ କର୍ପୁର ମିଶାଇ

     ସୁବାସିତ ଜଳ ଦେଇ

ଗଳାରେ ତୁଳସୀ ଶ୍ରୀ ଅଙ୍ଗେ ଚନ୍ଦନ

     ଦେବାକୁ ବସିଛି ଚାହିଁ ।

ଯାଇ ପାରୁନାହିଁ ଦେଖି ପାରୁନାହିଁ

     ବାସ ସବୁ ବାସି ହେଉଛି

ମନରେ ବିଶ୍ୱାସ ଚିତ୍ତରେ ଉଲ୍ଲାସ

      ତଵ ପାଦ ତଳେ ରଖିଛି

କରୁଣା ଟିକିଏ ଏ ଦିନ ଦରିଦ୍ରେ

      ଆଉ ଉଣା କର ନାହିଁ ।