Library
ସୀମାନ୍ତ ଅଞ୍ଚଳେ ଓଡ଼ିଆଙ୍କ ବେଦନା
ସୀମାନ୍ତ ଅଞ୍ଚଳେ ଓଡ଼ିଆଙ୍କ ବେଦନା
ଉତ୍କଳ ଭୂମିରେ ଜନମ ତ ସତ
ପଡୋଶୀ ନେଉଛି ଟାଣି
ମୋ ଓଡିଶାବାସୀଙ୍କୁ ଲୋଭ ଦେଖାଇ କି
ଭାବୁ ଅଛି ନେବି ଛାଣି |
ମାତୃଭାଷା ତାଙ୍କ ଅଟଇ ଓଡ଼ିଆ
କୁହନ୍ତି ନାହିଁ ସେ ଓଡ଼ିଆ
ଜନମି ଅଛନ୍ତି ଓଡିଶାରେ କିନ୍ତୁ
ଆନ୍ଧ୍ରକୁ କୁହନ୍ତି ବଢ଼ିଆ |
କ'ଣ ବା କରିବେ ସୀମାନ୍ତ ବାସିନ୍ଦା
ଓଡ଼ିଆ ହିଁ ତାଙ୍କ ଭାବନା
ଭାବ ପ୍ରକାଶନ୍ତି ବିଦେଶୀ ଭାଷାରେ
ଓଡ଼ିଶାକୁ କରି ଛଳନା |
ତାହା କରି ହେବ ନାହିଁ କଳ୍ପନା....
ଆଜି ଏ ଦିନରେ ସୀମାନ୍ତ ଅଞ୍ଚଳ
ଓଡ଼ିଆଙ୍କ ଏହା ବେଦନା.......
ତାହା କରି ହେବ ନାହିଁ କଳ୍ପନା......|
ଖାଦ୍ୟ ପେୟ ବୁଝେ ଛଳନା ସେ କରେ
ବୁଝୁ ତ ନାହାନ୍ତି ଓଡ଼ିଆ
ତା ଆକର୍ଷଣେ ଆକର୍ଷିତ ହୋଇ
ଓଡ଼ିଶା ଭାବନ୍ତି ଅଳିଆ |
ମଝି ଦରିଆର ନାବ ଯେ ସେମାନେ
ଦରିଆରେ ଉବୁଟୁବୁ
ଓଡ଼ିଶା ଆସିବେ ନା ଆନ୍ଧ୍ରା ଯିବେ
ବସି ଆମେ ଏଠି ଭାବୁ |
ଓଡ଼ିଶାର ଏହି ସୀମାନ୍ତ ଅଞ୍ଚଳ
ପାଉଛନ୍ତି ନିର୍ଯ୍ୟାତନା
ଓଡିଶାକୁ ଅନୁରୋଧ ଆପଣେଇ
ଆଣୁ ନ କରି ଛଳନା |
ତାହା କରି ହେବ ନାହିଁ କଳ୍ପନା......
ଆଜି ଏ ଦିନରେ ସୀମାନ୍ତ ଅଞ୍ଚଳ
ଓଡ଼ିଆଙ୍କ ଏହା ବେଦନା.......
ତାହା କରି ହେବ ନାହିଁ କଳ୍ପନା.......|
