ସିଏ କିଏ

କେଜାଣି ସେ କିଏ ଥିଲା

ଓଠରୁ ଯା ମହୁ ଝରୁଥିଲା ।

ସତେ ଯେପରି ଫୁଟିଲା କଢ଼ି

ନିଜ ମହକ ସେ ବାଣ୍ଟିଥିଲା ।

ଥିଲା ତା କଥାରେ କେତେ କିମିଆ

ସଭିଙ୍କ ମନ ଜିତି ପାରିଲା ।

ଦୁଃଖୀ ରଙ୍କି ଦେଖି ମନଟା ତାର

ସତେକି ମହମ ତରଳି ଗଲା ।

ଦୌଡ଼ି ଆସୁଥିଲା ସେଇ ଜାଗାକୁ

ଯେଉଁଠି କିଏ ବି ଲୋଡୁଥିଲେ ତାକୁ ।

ଥିଲା ସେ ସଭିଙ୍କ ପ୍ରିୟ ଡାକ୍ତର

ରୋଗୀଙ୍କ ପାଇଁ ତା ମନ ଆତୁର ।

ପଡିଲା କରୋନା କବଳେ ଦିନେ

ଆଉ ଭଲ ହୋଇପାରିଲା ନାହିଁ ।

ହସ ଲିଭିଗଲା ଓଠରୁ ତାହାର

ମରଣକୁ ଆଉ ଜିତି ହେଲାନି ।