Library
Profile
ଭଡ଼ାଘର
ଭଡ଼ାଘର
କେହି ଯଦି କେବେ ବିଦେଶକୁ ଯାଏ
ଜୀବନ ଜୀବିକା ପାଇଁ
ରହିବାକୁ ପଡେ କିଛିଦିନ ସେଠି
ଭଡା ର ଗୋଟେ ନେଇ |
ଭଡ଼ାଘର ଅଟେ ସ୍ୱତ୍ୱ ଯେ ଅନ୍ୟର
ଭଡା ଦେବାପାଇଁ ପଡେ
ଘରର ଚାହିଦା ଅନୁଯାୟୀ ଭଡା
ରହିବା ପୂର୍ବରୁ ଛିଡେ |
ବଡ଼ ଘର ପାଇଁ ଅଧିକ ତ ଭଡା
ଦେବାପାଇଁ ପଡିଥାଏ
ସାନ ଘର ପାଇଁ ଅଳ୍ପ କିଛି ଅର୍ଥ
ଯାହା ସ୍ଥିର ହୋଇଥାଏ |
ନିଜ ଘର ପରି ମିଳେନା ସେଠାରେ
କେବେହେଲେ ସ୍ୱାଧୀନତା
ମାନି ଚଳିବାକୁ ପଡେ ତ ସେଠାରେ
ମାଲିକର ସବୁକଥା |
କୋର୍ଟ ରାଜିନାମା କରିବାକୁ ପଡେ
ଘରଭଡା ନେବାପାଇଁ
ସମୟ ପୁରିଲେ ଛାଡିବାକୁ ହୁଏ
ରାଜିନାମା ଅନୁଯାଇ |
ବିଦେଶରେ କେହି ପାଠ ପଢୁଥିଲେ
ଭଡ଼ାଘର ଦରକାର
ମେସ ବୋଲି ତାକୁ କୁହାଯାଏ ପରା
ବାସ ବହୁ ଛାତ୍ରଙ୍କର |
ହେଉ ପଛେ ସିଏ ଭଡ଼ାଘରଟିଏ
ଆଙ୍କଇ ଅନେକ ସ୍ମୃତି
କିଛି ଦିନ ପରେ ଲାଗଇ ନିଜର
ନିଜର ବି ହୁଏ ସାଥି |
ସ୍ନେହ ମମତାରେ ଦିନ ଗଡ଼ିଚାଲେ
ଅନ୍ତରଙ୍ଗ ସାଥୀମେଳେ
ପରକୁ ଆପଣା କରେ ଭଡ଼ାଘର
ନିଭୃତ ହୃଦୟ ତଳେ |
ବିଦେଶ ଜୀବନେ ଆସେ ବହୁବାର
ନୂଆ ନୂଆ ଭଡ଼ାଘର
ବଦଳାଇବାକୁ ପରସ୍ଥିତି ନେଇ
ବାଧ୍ୟ ହୁଏ ବାରମ୍ବାର |
କିଛି ଦିନ ପାଇଁ ହେଉବି ରହଣି
ଆଶ୍ରୟ ତ ଦେଇଥାଏ
କେବେ ତ ବେଦନା କେବେ ବି ତ ଖୁସି
ହୃଦୟରେ ଭରିଥାଏ |
