ଅତୀତ କି ଫେରେ

   ହୋଇଛି ସେ ଯାହା ଗତ

    ଯାହା ହୋଇଛି ବିଗତ

    ତା ପାଇଁ ଯେତେ ବି ଚିନ୍ତ

    ସେ କି ଆସେ ଆଉ ଥରେ

   ବିଗତ ଦିନର ସ୍ମୃତି

    ଆଉ ସେ ଅତୀତ କି ଫେରେ ?

    ଅତୀତର ଇତି କଥା

    ସେ ପୁରୁଣା ଦିନର ଗୀତି କଥା

    ପିଲାଦିନ ସେ କୈଶୋର ଯୌବନର

    ସାଙ୍ଗସାଥୀ ମେଳର ପ୍ରୀତି କଥା

   ଅଭୁଲା ଦିନର ଅଲିଭା ସେ ଗୀତି କବିତା

    ସ୍ନେହ ପ୍ରେମର ସେ ଦିନକୁ

    ଏବେ ବି ଏ ମନ ହୃଦୟ ଝୁରେ

   ଆଜି ଆଉ ସେ ଅତୀତ କି ଫେରେ ?

    ପୁରୁଣା ଦିନର ପ୍ରେମ

   ଶୈଶବ ର ସେ ମନର ଭ୍ରମ

   ଚପଳତା ସେ ଚଞ୍ଚଳତା

   ମନ ଓ ମସ୍ତିଷ୍କ ର ଯେଉଁ କାର୍ଯ୍ୟକ୍ରମ

   ସେ ବେଳେ ଯେତେ ମୁଁ ଥିଲି କାର୍ଯ୍ୟକ୍ଷମ

   ଏବେ ସେସବୁକୁ ଏ ମନ ମୋ ଝୁରେ

   କାହିଁ ଗଲା ସେ ଦିନ କାହିଁ ଗଲା ସେ ମନ

    ପୁନର୍ବାର ଆଉ ସେ ଦିନ

     ସେ ଅତୀତ କି ଫେରେ ?

 

    ପ୍ରେମିକା ଓଠର ହସ

   ମଧୁ ମାସେ ସେ ଦିନର

    ସେ ପବନର ବାସ

   ଆମ୍ର ବନେ କୋକିଳର 

   ସୁନ୍ଦର ସୁମଧୁର କୁହୁ ତାନର

    ସେ କଣ୍ଠ ସ୍ବର ମନେ ଆଣୁଥିଲା

    ଯେଉଁ ଆନନ୍ଦ ଉଲ୍ଲାସ ଓ ହର୍ଷ

   ସବୁ ଆଜି ଏ ମନ ଝୁରିମରେ

   ହେଲେ ଆଉ ସେ ଅତୀତ କି ଫେରେ ?