ସିଧାକଥା ୯

ଈଶ୍ଵରଙ୍କ ସତ୍ତା ସବୁଠି ରହିଛି ଆମରି ଆଖିକୁ ଦିଶେନାହିଁ,

ଅମୃତମୟ ଏ' ସୃଷ୍ଟିର ରସରେ ଆନମନ କେବେ ରସେନାହିଁ ।

ପରଦୁଃଖ ଦେଖି ଆମ ହୃଦୟରେ ସମବେଦନା ତ ଆସେନାହିଁ,

ସ୍ଵାର୍ଥରେ ଜଡ଼ିତ ଆମମନ କେବେ ମନଖୋଲା ହସ ହସେନାହିଁ ।

ସଂସ୍କୃତିକୁ କେହି ବିକୃତ କରିଲେ ପ୍ରତିବାଦ ଆମେ କରୁନାହୁଁ,

ଅନ୍ୟାୟ ଦୁର୍ନୀତି କରୁଛି କେ କରୁ ତା' ଦୋଷକୁ ଆମେ ଧରୁନାହୁଁ ।

ପରଦୋଷଦେଇ ଖସିଯିବା ପାଇଁ ଆମେ ତ ସକଳେ ଆଗଭର,

ମାଗଣା ମିଳିଲେ ପିଚୁ ପିଇବାକୁ ଲାଗେନାହିଁ କାହାମନେ ଡର ।

ସ୍ଵେଚ୍ଛାଚାରୀ ହୋଇ ଦୁଃଖ ଆଦରିଛୁ ଆମକାର୍ଯ୍ୟ ସବୁ କାମଚଳା,

ପାଇଥିବା ସୁଖ-ସୁବିଧାକୁ ଭୁଲି ଭାଗ୍ୟଦୋଷ ଦେଇ ମାରୁ ଢିଲା ।

ପାଇନାହୁଁ ଯାହା ହିସାବ ରଖିଛୁ ସୁଯୋଗ ପାଇଲେ କହିଦେଉ,

ଆମ ଅବଦାନ ତ୍ୟାଗ ନିଷ୍ଠା ପ୍ରେମ କେତେ ପଚାରିଲେ ଚାଲିଯାଉ ।

#ସିଧାକଥା