ସିଧାକଥା-29 ବୟସ୍କ
ସିଧାକଥା-29 ବୟସ୍କ
ପରିପକ୍ଵ ହୋଇ ବୟସ୍କ ହୋଇଲି ପାଚିଗଲା ନିଶ-ଦାଢି,
ଅନୁଭବ ଆଉ ଅଭିଜ୍ଞତା ଧରି ଆଗକୁ ଯାଉଛି ମାଡ଼ି |
ବୁଢୀ କହେ ମୋତେ ବୁଢା ହୋଇଲଣି ହରିନାମ ଏବେ ଜପ,
ନାତି-ନାତୁଣୀଙ୍କ ବରାଦ ହେଉଛି କୁହ ରଜା-ରାଣୀ ଗପ |
ମୋଠାରୁ ବୟସ୍କ ଲୋକ କହୁଛନ୍ତି-ମୋ ଆଗରେ ତୁହି ଛୁଆ,
ତୋର ବୟସରେ କେତେଜଣ ଏବେ ହୁଅନ୍ତି ଦ୍ଵିତୀୟ ବାହା |
ବୟସ ବଢିଲେ ମଣିଷଟା କେବେ ବୁଢା ହୋଇଯାଏ ନାହିଁ,
ଦେହ ସିନା ବୁଢା ମନ ଟୋକା ଥିଲେ ଅସଲ ଯୁବକ ସେହି |
ଷାଠିଏ ପୂରିଲେ ମଣିଷଟି ସିନା ନୂତନ ଜନମ ନିଏ,
ସତୁରୀ ହୋଇଲେ ସତେଇଶ ଭଳି ମନଟା ଚଞ୍ଚଳ ହୁଏ |
ଅଶି ହେଲେ ହେଉ ହସି ପାରୁଥିଲେ ହୋଇବ ସେ ଦେଶ ନେତା,
ନବେ ବରଷରେ ଚାଲି ପାରୁଥିଲେ ହେବ ସେ ଜଗତ ଜିତା |