ସିଧାକଥା-16 ଭୁଲିଯିବା -ଡକ୍ଟର କୃତ୍ତିବାସ ନାୟକ
ସିଧାକଥା-16 ଭୁଲିଯିବା -ଡକ୍ଟର କୃତ୍ତିବାସ ନାୟକ
1 min
218
ଭୁଲିଯିବା ହେଲା ସମସ୍ତଙ୍କ ପାଇଁ ଈଶ୍ଵରଙ୍କ ବରଦାନ,
ହଜିଯିବା ହେଲା ସେହିପରି ପୁଣି ସ୍ମୃତିର ରୋମନ୍ଥନ |
ଭୁଲି ନ ପାରିଲେ ନିଜ ଅତୀତକୁ ଯାତନା ଲଭିବା ସାର,
ଭୁଲି ନ ପାରିଲେ ନୂତନ ସର୍ଜନା ସମ୍ଭବ ହୁଏନା କା'ର |
ଭୁଲିବାରୁ ସିନା ପିଲାଦିନ କଥା ଭବିଷ୍ୟତ ହୁଏଗଢା,
ଭୁଲିଗଲେ ସିନା ପୁରୁଣା ବନ୍ଧୁଙ୍କୁ ନୂଆବନ୍ଧୁ ହୁଏ ଯୋଡ଼ା |
ଭୁଲିଗଲେ ମାନ ଅପମାନ କ୍ଷତି ଗାଳି-ମନ୍ଦ ପଛକଥା,
ଭୁଲି ହୋଇଯାଏ ଅତୀତର ଦୁଃଖ ଯିଏ ଦେଇଥିଲା ବ୍ୟଥା |
ଭୁଲିଗଲେ ସିନା କ୍ଷମା ଦେଇହୁଏ ମହତ ପଣିଆ ଫୁଟେ,
ଭୁଲି ନ ପାରିଲେ ସବୁକଥା ଧରି ହୋଇବା ପାଗଳ ଗୋଟେ |