ସିଧାକଥା-15 ଭାଗ୍ୟ-ବିଧାତା

ଆମରି ଦେଶର ଭାଗ୍ୟ-ବିଧାତା ହୁଅନ୍ତି ଶିକ୍ଷକ ଜଣେ,

ତାଙ୍କରି ହାତରେ ଆମରି ବୟସ ବଢିଯାଏ ପୁଣି କମେ | 

କିଏ ବା ମେଟ୍ରିକ ଫେଲ ହେଇଛି କିଏ କରିଥିବ ଇ॰ଟି,

କିଏ ବା ବାପାର ଚାକିରି ପାଇଛି କୋଟାରେ ହେଇଛି ଭର୍ତ୍ତି |

ପ୍ରାଥମିକ ବିଦ୍ୟାଳୟରେ ଚାକିରି ନିଜଘର ପାଶେ ଥାଇ,

ଆମରି ନାମକୁ ଲେଖନ୍ତି ପ୍ରଥମେ ବୟସ ପଚାରିଦେଇ |

ଥରେ ଯଦି ସିଏ ଭୁଲ ଲେଖନ୍ତି ରହିଯାଏ ଚିରଦିନ,

ଦମୟନ୍ତୀ ନାମ ଦଇମତି ହୁଏ ଶ୍ୟାମ ହୁଏ ସାଇମନ |

ଦଶ ବରଷର ପିଲା ହେଇଥିଲେ ପାଞ୍ଚରୁ ଆରମ୍ଭ ହୁଏ,

ଚାରି ବରଷିଆ ନାମ ଲେଖାଇଲେ ପାଞ୍ଚବର୍ଷ ହେଇଯାଏ |

ଅବସର ବେଳେ ତାଙ୍କ କରାମତି ଅନୁଭବ କରିହୁଏ,

ବଡ଼ ଥାଉଥାଉ ସାନ ଭାଇ ତା'ର ଆଗ ଅବସର ନିଏ |