ସିଧାକଥା-112 : କବିତା : ଆମହାତେ ଅଛି ଭାଗ୍ୟ-ଭବିଷ୍ୟତ
ସିଧାକଥା-112 : କବିତା : ଆମହାତେ ଅଛି ଭାଗ୍ୟ-ଭବିଷ୍ୟତ
କିଏ ଭାବେ ମୋର ଭାଗ୍ୟ ବଡ଼ମନ୍ଦ ତେଣୁ ସୁଫଳ ପାଏନା,
କିଏ କହେ ତା'ର ଭାଗ୍ୟ ଭଲ ବୋଲି ଖରାପ ବାଟେ ଯାଏନା |
ଧନୀଘରେ କିଏ ଜନମ ଲଭିଲେ ଆମେ ଭାବୁ ଭାଗ୍ୟବାନ,
ଜ୍ଞାନୀ-ମାନୀ ଘରେ ଜନମିଛି ଯିଏ, କରିଥିବ ମହାପୁଣ୍ୟ |
ଧନ-ମାନ-ଜ୍ଞାନ ଭାଗ୍ୟରେ ନ ଥାଏ, ଥାଏ କର୍ମ-ପରିଶ୍ରମେ,
ଉପସ୍ଥିତ ବୁଦ୍ଧି ଦୃଢ଼ ମନୋବଳ ବୃଦ୍ଧି କରେ କ୍ରମେ କ୍ରମେ |
କେତେ ଧନୀ ଘରେ ଅକର୍ମା-ଅଭାଗା ବଞ୍ଚିଛନ୍ତି ଜନ୍ମନେଇ,
କେତେ ଜ୍ଞାନୀ ଘରେ ମହାକାଳ ଫଳ ରହିଛନ୍ତି ମୂର୍ଖ ହେଇ |
ସମୟକୁ ଯିଏ ସୁଯୋଗ ମଣିଛି ଆତ୍ମ-ବିଶ୍ୱାସ ବଢ଼ାଇ,
ଜୀବନକୁ ବାଜି ଲଗେଇ ଲଢ଼ିଛି,ଭାଗ୍ୟକୁ ନିଏ ଛଡ଼େଇ |
ଆମ ହାତେ ଅଛି ଭାଗ୍ୟ-ଭବିଷ୍ୟତ, ଆମେ ହିଁ ନିର୍ମାତା ତା'ର,
ପୂର୍ବଜନ୍ମ ଫଳ ସମୟ ସୁଯୋଗ ରହିଛି ଆମ ବିଚାର |