ସିଧା କଥା ୬୨

ଆମ ଜୀବନକୁ ଦୁଇ ଉପାଦାନ କରିଥାଏ ରସମୟ,

ପ୍ରେମ ସହ ପୁଣି ହାସ୍ୟ-ବ୍ୟଙ୍ଗ ଭାବ ଜୀବନକୁ କରେ ଜୟ ।

ଏଥିରୁ ଗୋଟାଏ ଥିଲେ ଆମ ପାଶେ କେବଳ ମିଳିବ ସୁଖ,

ଦୁଇଟି ନଥିଲେ ନିରାଶ ଜୀବନ କହିବା ପାଉଛି ଦୁଃଖ ।

ଆମ ମନେ ଯଦି ବୁଝାବଣା ପାଇଁ ଉତ୍ସାହ ଆଗ୍ରହ ଥିବ,

ଆମ ଜୀବନରେ ପ୍ରତ୍ୟେକ ମୁହୂର୍ତ୍ତ ଚିନ୍ତାଶୂନ୍ୟ ହୋଇଯିବ ।

ସୂର୍ଯ୍ୟ ପରି ଆମ ଆଶାର କିରଣ ଅନ୍ଧକାର ନାଶକରେ,

ଅଭାବ କଷଣ ଦୁଃଖ ଅନ୍ଧକାର ରହେନାହିଁ ହୃଦୟରେ ।

ଫୁଟନ୍ତା ପାଣି କି ଚହଲା ପାଣିରେ ପ୍ରତିଛବି ଦିଶେନାହିଁ,

କ୍ରୋଧ-ହିଂସାଭାବ ଥିଲେ ହୃଦୟରେ ସ୍ୱରୂପ ଦିଶିବ ନାହିଁ ।