ସିଦ୍ଧାର୍ଥ ଗୌତମ (ଏକ ଅଭୁଲା ରାତି)
ସିଦ୍ଧାର୍ଥ ଗୌତମ (ଏକ ଅଭୁଲା ରାତି)
ଜରା ବ୍ୟାଧି ମୃତ୍ୟୁ ଦୃଶ୍ୟ ର ସଂସାର ଅପ୍ରମିତ ପ୍ରାଣୀ ଆରତ
ବିଗଳିତ ହେଲା ସିଦ୍ଧାର୍ଥ ହୃଦୟ ଆନ୍ଦୋଳିତ ପ୍ରାଣ ମନ୍ଦ୍ରିତ
କିପ୍ରକାରେ ପ୍ରାଣୀ ଦୁଃଖରୁ ନିସ୍ତାର ପାଇବା ପାଇଁକି ଉପାୟ
ଦିବ୍ୟ ଚେତନାର ଉନ୍ନେଷେ ସିଦ୍ଧାର୍ଥ ମନରେ କରିଲେ ନିଶ୍ଚୟ ।
ରୂପସୀ ଲଳନା ପ୍ରେମର ବନ୍ଧନ ବାତ୍ସଲ୍ୟ ସ୍ନେହର ତନୁଜ
କପିଳବସ୍ତୁର ରାଜ ସିଂହାସନ ଅମାପ ସୌଭାଗ୍ୟ ଐଶ୍ଵର୍ଯ୍ୟ
ସିଦ୍ଧାର୍ଥ ଗୌତମ “ରାଜ ଚକ୍ରବର୍ତ୍ତୀ” “ତେଜି ବୋଧିଦୃମ ଭିକ୍ଷୁକ
ସାଜି” ଖୋଜିଥିଲେ ପ୍ରାଣୀଙ୍କ ଉଦ୍ଧାର ନିର୍ବାଣ ମନ୍ତ୍ରର ମାନ୍ତ୍ରିକ ।
ବୁଦ୍ଧ ଶାକ୍ୟସିଂହ ସିଦ୍ଧାର୍ଥ ଗୌତମ ଅହିଂସା ମନ୍ତ୍ର ର ପୁରୋଧା
କାମନା ବିନାସେ ଦୁଃଖ ନାଶହେବ ଶାନ୍ତିର ମଳୟ ବସୁଧା
ପ୍ରବାହିତେ ରୋଗ ଶୋକ ର ବିନାଶ ଦୟା କ୍ଷମା ଧର୍ମ ବିଚାର
ଯାଗରଣେ ପୂଣ୍ୟମୟ ହେବ ଧାତ୍ରୀ ହସିବ ସୁନାର ସଂସାର ।
ଭଗବାନ ବୁଦ୍ଧ ନବମାବତାର ପ୍ରାଣୀଙ୍କ ଉଦ୍ଧାର ପାଇଁକି
ସେ ଦିନ ସେ ରାତି ଆସିଲା ଧରାରେ କେତେ ନୂଆ ସ୍ଵପ୍ନ ନେଇକି ।