ଶୂନ୍ୟତା
ଶୂନ୍ୟତା
ପଡିଶା ବାବୁଘର ଝିଅ ସଂଗୀତ ଶିଖୁଛି
ସା, ରେ ଗା ମା ଧ୍ୱନୀ ଶୁଭୁଛି
ଏପଟେ ଗୁରେଇଟା ଭାତ ଦିଟା
ରାନ୍ଧିବାକୁ ପାଉନି
ସୁକୁଟା କେବେଠୁ ଗଲାଣି
ବାପା ଥିଲା ତେଲ ସଞ୍ଚି ନଣ୍ଡା
ପୁଅ ବେଣ୍ଟି ବାଳ ରଖିଛି ।
ପାବୁଘରେ ଗୁରେଇ ପାଇଟି କରୁଛି
ନିଜେ ପାଟିକି ନଦେଇ ପୁଅ ପାଇଁ ଆଣୁଛି
ବାବୁଟା ତାଗିଦ କରିଛି
ପୁଅକୁ କହିବୁ ହୁସିଆର ରହୁ
ଘରେ ଗୁରେଇ ଦେଖେ
ପୁଅଟା ବାବୁ ଝିଅକୁ ଉଣ୍ଡୁଛି ।
ମଣିଷ ହେଲେ ହେଉ ଅମଣିଷ
ତାକୁ ଦେଖି ପେଟ ପୁରିଛି
ଏଵେ ଦୁଇଦିନ ହେଲା ଘରକୁ ଆସୁନି
ବାବୁ ପଚାରୁଥିଲା
ପୁଅ ତୋର କାହାକୁ ନେଇ
ଫେରାର ହୋଇଛି ?
ପେଜୁଆ ଆଖିରେ ଗୁରେଇ ଶୁନ୍ୟକୁ ଚହିଁଛି
ବାବୁ ଝିଅର ସାରେଗାମା କାନ ଫଟାଉଛି l