ଶୁନ୍ୟତା

କିଏ ଜାଣିଥିଲା

ରଜାର ନଅର

ଅଚାନକ ବଦଳିଯିବ

ଆଉ ସାଜିବ

ସାଇତାନର ଉଜୁଡ଼ା ଘର

କିଏ ଜାଣିଥିଲା

ପ୍ରୀତି ଆଉ ପ୍ରେମ

ଅଦିନେ ସାଜିବେ ବଇରୀ

ଆଉ

କରିବେ ଘୃଣା

ଅନେକ ନିନ୍ଦା

ଆଉ ଅପମାନ କରି

କିଏ ଜାଣିଥିଲା

ସୁନା ମନ

ଦିନେ ଚୂନା ହେବ

ହୃଦୟକୁ ଧୋକା ଦେଇ

ମନର ରାଣୀ

ଦିନେ ହେବ ସପନରାଣୀ

ଅଧାବାଟେ ଛିଣ୍ଡାଇବ ଯୁଗଯୁଗର ସମ୍ପର୍କ ଗଣ୍ଠି

ସପନକୁ ଦଳି ଦେଇଯିବ

ଆଉ ଚାଲିଯିବ

ମରି ମରି ବଞ୍ଚିବାପାଇଁ

କିଏ ଜାଣିଥିଲା

ଅଦିନିଆ ବରଷା ହେବ

ବରଷା ପୁଣି

ଅଚାନକ ବନ୍ୟା ଆଣିବ

ଆଉ

ଧୋଇଦେଇଯିବ

ସବୁ ସାଇତା ସ୍ମୃତି

ଅଭୁଲା ପୀରତି

ଭସାଇନେବ ସୁନା ଜୀବନ

ଆଉ ସୁଖ ସଂସାର

ରଖିବନି ଆଉ କିଛି ଆଶା

ବଞ୍ଚିବାର

କି

ମାରିବାର