ଶୁଖିଲା ପତ୍ର
ଶୁଖିଲା ପତ୍ର
ଶୁଖିଲା ପତ୍ର ମୁଁ ହୃଦୟକୁ ମୋର କିଏ ନେଇଗଲା କୁହ,
ବଞ୍ଚିବାକୁ ଚାହେଁ ଘଡ଼ିଏ ଦି'ଘଡ଼ି ହୃଦୟ ଫେରାଇ ଦିଅ । (ଘୋଷା)
ପଚାରିବି ପଦେ ମୋ ପ୍ରାଣପ୍ରିୟାକୁ ମନଭରି ଦେଖିନେବି,
ପ୍ରିୟା ହାତଧରି ଶେଷ୍ୱଦେଖା ବୋଲି ତା' କାନରେ କହିଦେବି ।
ଯେଉଁ ବାଟଦେଇ ମୋ ପ୍ରିୟା ଯାଇଛି ସେହି ବାଟେ ମୋତେ ନିଅ ।
ଶୁଖିଲା ପତ୍ର ମୁଁ ହୃଦୟକୁ ମୋର କିଏ ନେଇଗଲା କୁହ । (1)
ବଞ୍ଚିବା ମରିବା ସାଥିହୋଇ ବୋଲି କଥା ଦେଇଥିଲା ପ୍ରିୟା,
ଜନମେ ଜନମେ ଆମ ଦୁହିଁଙ୍କର ପ୍ରୀତି ହେବ ଦିଆନିଆ ।
ବିଦାୟ ବେଳାରେ କହିବି ପ୍ରିୟାକୁ ଶେଷ ଛୁଆଁ ଦେଇଯାଅ ।
ଶୁଖିଲା ପତ୍ର ମୁଁ ହୃଦୟକୁ ମୋର କିଏ ନେଇଗଲା କୁହ ।(2)