ଶୁଭ ବଡଦିନ
ଶୁଭ ବଡଦିନ
ଯୀଶୁ ତୁମେ ପ୍ରେମପ୍ରତିମ
ଚାଁହୁଛି ତୁମକୁ ଏ ଧରାଧାମ
କେମିତି ଅଟେଯେ ଈଶ୍ୱର ପ୍ରେମ
ଅନ୍ଧାର୍ଥେ ଭରିଛି ମଣିଷ ମନ l
ଯୀଶୁ ତୁମେ ଶାନ୍ତିର ପୁରୁଷ
ତୁମ ଜନ୍ମଦିନ ହୁଏ ପ୍ରତିବରଷ
ଖୁସିର ମାହୋଲ ସେ ବଡଦିନ
ଶାନ୍ତିପୁରୁଷଙ୍କ ଧରା ଅବତରଣ l
ଆସିଲେ ଡିସେମ୍ବର ପଚିଶ
ଜାଣନ୍ତି ସଭିଏଁ ଏକ୍ସ-ମାସ
ଖ୍ରୀଷ୍ଟ ଧର୍ମାଲମ୍ବୀ ଗୁହାଳ କରି
ଆନନ୍ଦେ ମାହୋଲ ଉଠୁଛିପୁରି l
ଭୁଲି ଯାଇଥାନ୍ତି ତୁମର ବାଣୀ
ପ୍ରକୃତ ପ୍ରେମକୁ ଚିହ୍ନିପାରେନି
ଗଛକୁ ସଜାନ୍ତି ଗୋଟିଏ ଦିନ
କରନ୍ତିନିଗୋଟେ ବୃକ୍ଷରୋପଣ l
ସାରାଜଗତର ଜୀବନଦାତା
ଅଟଇ ସିନା ସେ ବୃକ୍ଷମହାତ୍ମା
ସଜାଇ ତାହାକୁ ବଡଦିନରେ
ଉତ୍ସବ ପାଳଇ ଆନନ୍ଦମନରେ |
ସାନ୍ତା କ୍ଲଜ ଦିଅନ୍ତି ଉପହାର
ଶାନ୍ତିଭରା ସବୁ ଶିଶୁମନର
ଲାଲଟୋପି ଲାଲପୋଷାକ ସଜା
ଛୋଟ ଶିଶୁ ପିନ୍ଧି କରନ୍ତି ମଜ୍ଜା |
ସତରେ ଆସିବେ ଈଶ୍ୱରସୁତ
ପ୍ରଭୁଙ୍କ ସାଥିରେ ହେବ ସାକ୍ଷାତ
ସିଏ କ୍ଷମା ଆଉ ଦୟାସାଗର
କରଯୋଡ଼ି କରେ ନମସ୍କାର |
ପ୍ରଭୁ ଆସିଥରେ ଦେଖାତ ଦିଅ
ସଂସାରୁ ଦୁଃଖକୁ ଦୂରେଇ ନିଅ
ସବୁମନେ ଭର ହେ ଶାନ୍ତିବାଣୀ
ହୃଦରେ ଦିଅହେ ପ୍ରେମଭାବନା ବୁଣି l
ଯେଣୁ ଅଟୁ ସର୍ବେ ଈଶ୍ୱରଙ୍କ ସନ୍ତାନ
କରହେ ତାଙ୍କ କରୁଣା ପ୍ରଦାନ
ଏ ଧରାଧାମରେ ଯେତେକଦିନ
ସୁଖେ କଟି ଜୀବ ଯାଉ ଶରଣ l
ଯେଣୁ ତୁମେ ଅଟେ ଈଶ୍ୱର ପୁତ୍ର
ପ୍ରଭୁଙ୍କ କୃପାର ନିକଟ ସତ୍ୱ
ଶାନ୍ତିମୟ କର ସବୁ ଜୀବନ
ସବୁଦିନ ହେଉ ଶୁଭ ବଡଦିନ |