ଶରତରେ ଆମ ଗାଆଁ-1

ସୁବର୍ଣ୍ଣ ଶସ୍ୟରେ ସଜଇ ଧରଣୀ,

ମହକି ଉଠେ ଗଗନ ପବନ,

ଭାଦ୍ରବର ରଙ୍ଗ ସରେ ଧରା କୋଳେ, 

କରେ ଅଶ୍ଵିନ ଯେବେ ଆଗମନ I 

ଢ଼େଉ ଢ଼େଉ ହୋଇ କାଶତଣ୍ଡୀ ହସେ,

କୁମୁଦିନୀ ଫୁଟେ ସରୋବରରେ,

ଆନନ୍ଦ ଲହଡ଼ି ଘେରେ ଚଉପାଶେ

ସାଜେ ଉପବନ ଆଡ଼ମ୍ବରରେ I 

 

ନୀଳ ଆକାଶର ବିହଙ୍ଗ ମେଲାଣି,

ଭରିଯାଏ ଗୀତ କଳରବରେ,

ଧରା କାନେ ଢାଳେ ମଧୁର ସଙ୍ଗୀତ,  

ଶୀତଳ ସମୀର ନଈ କୂଳରେ ।

ମନ୍ଦିରରେ ଶୁଭେ ମୃଦଙ୍ଗ କାହାଳି,

ଜଗତ ଜନନୀଙ୍କର ସ୍ୱାଗତେ,

ପାପର ନାଶିନୀ ମହିଷ ମର୍ଦ୍ଧନ କରନ୍ତି

ତ୍ରିଶୁଳ ଧରିଣ ହାତେ I