ଶରତ୍ ଲାଗି

ଫେରୁଅଛି ମଉସୁମୀ

      ଅଧା ହସ ଅଧା ଲୁହେ

ନାଚ଼େ କେବେ ବସି ଭାବେ 

      ଚ଼ିକୁର ଶିଖର ଦେହେ

ଧବଳିମା ସୌମ୍ୟକାନ୍ତି 

      ନୀଳାମ୍ବରେ ଚ଼ମକଇ

ନଭଃପ୍ରାଣ ଆଲିଙ୍ଗନେ

     ଅଙ୍ଗେ ତା' ଆଲୋଳ ଛଇ

ଶିଶିର ପରଶ ପାଇ

      ହସେ ସବୁଜ ଜବସ

ଖରା ଛାଇ ଲୁଚ଼କାଳି

       ଭରେ ଚ଼ିତ୍ତରେ ହରଷ

ହରାଭରା ହୋଇ ଧରା

       ଦୀପ୍ତ କାଶତଣ୍ଡି ଚ଼ୂଳେ

ଶେଫାଳୀ କଳିଙ୍ଗ ହେନା

       ରଞ୍ଜିନୀ ପୁଷ୍ପର ମେଳେ

କାନନେ କୂଜନ ନୃତ୍ୟ

       ପ୍ରଣୟ ଫାଶର ଛନ୍ଦେ

ହଲ୍ଲୀଷ ଉଲ୍ଲାସେ ରତ

       ନବ ଉନ୍ମେଷକୁ ବନ୍ଦେ

ଶରଦ ଆଣିଛି ସୁଖ

       ସର୍ବେ ପାର୍ବଣେ ମୋହିତ

ଋତୁଚ଼କ୍ର କି ବିଚ଼ିତ୍ର

       ବିପୁଳ ଗୁଣେ ଖଚ଼ିତ