ଶରଣ୍ୟେ ତ୍ର୍ୟମ୍ବକ ଗୌରୀ
ଶରଣ୍ୟେ ତ୍ର୍ୟମ୍ବକ ଗୌରୀ
ଜୟ ଗିରିରାଜ ରାଜ ନନ୍ଦିନୀ
ଜୟ ମା ଗିରିଜା ଶିବଘରଣୀ l
କାଶୀପୁରେଶ୍ୱରୀ ମା' ଅନ୍ନପୂର୍ଣ୍ଣା
ପର୍ଣ୍ଣ ତେଜ୍ୟାକରି ନାମ ଅପର୍ଣ୍ଣା l
ଶିବ ମନୋହାରୀ ବିଶ୍ୱ ସୁନ୍ଦରୀ
କୋଳ ମଣ୍ଡିଅଛୁ ଶ୍ରୀତ୍ରିପୁରାରୀ l
ଦଶ ମହାବିଦ୍ୟା ନାଶୁ ଅବିଦ୍ୟା
ନବଦୁର୍ଗା ରୂପେ ପୂଜ୍ୟ ସର୍ବଦା l
ଯୋଗିନୀ,ଡାକିନୀ ତୋର କୁଟୁମ୍ବ
ଭାଙ୍ଗି ଦେଲୁ ଶୁମ୍ଭ ନିଶୁମ୍ଭ ଦମ୍ଭ l
କେତେ ଆଶା ବାନ୍ଧିଥିଲା ମହିଷା
ତ୍ରିଶୂଳ ଭୁଷାରେ ତୁଟିଲା ନିଶା l
ପର୍ବତ ନନ୍ଦିନୀ ମାଆ ପାର୍ବତୀ
ମଇନା ଦେବୀଙ୍କ ଗେହ୍ଲି ଦୁହିତି l
ସ୍କନ୍ଧ ମାତା ତୁ ଗଣେଶ ଜନନୀ
ଜଗଜ୍ଜନନୀ ମା ବିଶ୍ୱ କଲ୍ୟାଣୀ l
ଜୟନ୍ତୀ,ମଙ୍ଗଳା, ଅମ୍ବା, କାଳିକେ
ତ୍ରିଲୋକମୋହିନୀ ମୁଣ୍ଡ ମାଳିକେ l
ଶିବାନୀ, ଭବାନୀ ମା' ନାରାୟଣୀ
ତୋର ବିନେ ଶବ ଶିବଙ୍କୁ ଜାଣି l
ତ୍ର୍ୟମ୍ବକ ଗୋଉରୀ ଅମ୍ବିକା ଭଜେ
ଶରଣ ମା' ତୋର ପଦ ପଙ୍କଜେ l