ଶ୍ରମିକଟିଏ ମୁଁ

  

ଶ୍ରମିକଟିଏ ମୁଁ ଶ୍ରମିକଟିଏ

  ଶ୍ରମଟି ମୋହର ସାଥୀ

ଶ୍ରମ ବିନା କିଛି ଜାଣି ନାହିଁ ମୁଁ ଯେ

 ଶ୍ରମ ବିନା ନାହିଁ ଗତି।

ମୋର ଶ୍ରମ ଦାନ ପାଇଁ କି ଜଗତେ

 ସମସ୍ତଙ୍କ ମୁହେଁ ହସ

ସ୍ଥାବର ଜଙ୍ଗମ ହସି ଉଠେ ପରା

   ପାଇ ମୋହର ପରଶ।

ଜାତି ଭେଦ ଆଉ ଉଚ୍ଚ ନୀଚ ଭାବ

 ଲିଙ୍ଗ ବର୍ଣ୍ଣର ପ୍ରଭେଦ

କରମ କରେ ମୁଁ କର୍ମେ ରଖି ମତି

 ସଭିଙ୍କୁ ମଣଇ ଏକ।

ସବୁ ଦୁଃଖ ସହି ସବୁରି ମୁହଁରେ

 ଫୁଟାଇବା ପାଇଁ ହସ

ଶ୍ରମିକଟିଏ ମୁଁ ମୋ ଜୀବନ ସାରା

  ଜାରି ରଖିଛି ପ୍ରୟାସ।

ମୋର ଜୀବନର ଶେଷ ରକ୍ତ ବିନ୍ଦୁ

 ଶରୀରରେ ଥିବା ଯାଏ

 କରିଯିବି କର୍ମ କର୍ମ ମୋର ଧର୍ମ

 କର୍ମର ଜୟ ଗାଏ।