ଶ୍ରମିକ ଦିବସ
ଶ୍ରମିକ ଦିବସ
ନୂଆ ଏ ଭାରତେ ମିଳୁଛି ସୁନାମ
ଅମୃତ କାଳରେ ଶ୍ରମିକ ସମ୍ମାନ ।
ପାରିଶ୍ରମିକ ଟି ଆସୁଛି ଖାତାରେ
ଶ୍ରମିକ ଜଡ଼ିତ ଅଛନ୍ତି ବ୍ୟାଙ୍କରେ ।
ଦେଶର ପ୍ରଧାନ ଅଟନ୍ତି ମହାନ
ସେବାରେ ଶ୍ରମିକ କାଟନ୍ତି ସେ ଦିନ ।
ଏକ ତାରିଖ ଟି ଆଜି ମେ ମାସର
ଶ୍ରମିକ ଦିବସ ରେ ଗୁଞ୍ଜେ ରାଷ୍ଟ୍ରର ।
ଦିବସ ତାଙ୍କର ପାଳିତ ଦେଶରେ
ଆଦର ସମ୍ମାନ ଅମୃତ କାଳରେ ।
ନିସ୍ବାର୍ଥେ କରନ୍ତି ଶ୍ରମିକ କର୍ମକୁ
ନ ରଖନ୍ତି ସ୍ବାର୍ଥ କାର୍ଯ୍ୟ ରେ ନିଜକୁ ।
ଭାରତ ମାତାର ସୁଯୋଗ ସନ୍ତାନ
ସର୍ବଦା ରଖନ୍ତି ମାତୃଭୂମି ଧ୍ୟାନ ।
ଦେଶ ଶକ୍ତିଶାଳୀ ଶ୍ରମ ଶକ୍ତି କୋଳୁ
ସବୁତ ସମ୍ଭବ ଶ୍ରମିକଙ୍କ ବଳୁ ।
ଗୃହକୁ ପାଳନ୍ତି କରି କର୍ମ ନିତି
ଜଗନ୍ନାଥ ପ୍ରତି ଧ୍ୟାନ ସେ ରଖନ୍ତି ।
ଶ୍ରମିକ ଦିବସ ବିଶ୍ବରେ ପାଳିତ
ତାଙ୍କ ବଳୁ ରାଷ୍ଟ୍ର ହୁଏ ଟି ଗର୍ବିତ ।
ଶ୍ରମ ବଳୁ ପରା ସବୁହେ ସମ୍ଭବ
ମନୁଷ୍ୟ ଜୀବନେ ରଖିବା ସେ ଭାବ
ନାହିଁ ମୂଲ୍ୟ କିଛି ଧନ ଓ ସମ୍ପତ୍ତି
କର୍ମ ବଳୁ ହୁଏ ଏହାର ଉତ୍ପତ୍ତି ।
କର୍ମ ଜ୍ଞାନ ପରା ଜୀବନେ ଅମୂଲ୍ୟ
ଜାଣିଛି ଶ୍ରମିକହେ ତାହାରି ମୂଲ୍ୟ ।
ଆସିଛେ ଏକଲା ଯିବାହେ ଏକଲା
ସ୍ମୃତି ରହି ଯିବ କର୍ମରେ ଏକଲା ।
ବର୍ଷାରେ କାତର ନ ହୁଏ ଶ୍ରମିକ
ସୂର୍ଯ୍ୟଙ୍କ କିରଣେ ନ ହୁଏ ଅବାକ୍ ।
କର୍ମ କରୁ ଥାଏ କର୍ମ ଜ୍ଞାନୀ ହୋଇ
ହିଂସା ଦ୍ୱେଷ କାରେ ନ ରଖେ ସେ ଭାଇ ।
ହାର୍ଦ୍ଦିକ ଶୁଭେଚ୍ଛା ଶ୍ରମିକ ଭାଇଙ୍କୁ
ଜୀବନରେ ସୁଖ ମିଳୁହେ ତାହାଙ୍କୁ ।