ଶ୍ରମିକ ଦିବସ ଅବସରରେ

ହେ ଶ୍ରମିକ, ତୁମରି ଯୋଗୁ 

ବ୍ରହ୍ମାଣ୍ଡର ସୃଷ୍ଟି

ସଚରାଚରର ସର୍ବେ ତମ 

ଦ୍ୱାରା ପାଆନ୍ତି ଦୃଷ୍ଟି ।

ତୁମ ଦ୍ୱାରା ଭରିଛି ରଙ୍ଗର 

ପସରା ଭଳିକି ଭଳି

ସମସ୍ତର ସୃଷ୍ଟି, ହେଉ ତାହା

ସତ୍ଯ ଦ୍ବାପର ତ୍ରେତୟା କଳି ।

ବଣ ପରବତ ସାଗର ମଧ୍ୟରୁ 

ଜିନିଷ ତିଆରି କରି

ଯୋଗାଉଛ ଖାଦ୍ଯ ବଞ୍ଚିବାକୁ, 

ମୁଖରେ ତ ସବୁରି ।

ଲାଗିଛ, ତୁମ ଜୀବନର ଶେଷ 

ନିଃଶ୍ବାସ ଯାଏଁ 

ଗଢାତ ମନ୍ଦିର, ଅଟ୍ଟାଳିକା ଠାରୁ

 ସଡକ ଯାଏଁ ।

ଚାଷି ହୋଇ କ୍ଷେତେ ଖଟି 

ଯୋଗାଅ ଆହାର

ନିଜେ ଭୋକ ସହ, ଦିଅ ଅନ୍ନ, 

ବନ୍ଧୁ ସମସ୍ତଂକର ।

ଘର ରାସ୍ତା ପୋଲ ଗଢ, ପିଲାକୁ 

ରାସ୍ତାରେ ଗଡାଇ

ଦେଶ ପ୍ରଗତିରେ ସେ ଜାଗ୍ରତ, ଭାବୁଛେକି 

କେହି ଭଉଣୀ ଭାଇ ।

ଯାହା ଏ ଚଉଦିଗେ ଦେଖୁ ଅଛି,

ସବୁତ ତୁମରି ଦାନ

କିନ୍ତୁ ତୁମର ଶ୍ରମକୁ ଶୋଷି ନେଇ, 

ତଳେ ତୁମର ସ୍ଥାନ ।

ସେଥିପାଇଁ, ଦୁନିଆର ଶ୍ରମିକ ଏକ ହୁଅ, 

ହେଲା ଡାକରା

ପୁଂଜିପତିର ବନ୍ଧନୁ ମୁକ୍ତ ପାଇଁ, 

ପାଳୁଛେ ମେ ଏକ ପରା ।