Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Binodini Dash

Inspirational

3  

Binodini Dash

Inspirational

ବର୍ଷା

ବର୍ଷା

1 min
224



ବରଷା ଗୋ ତୁମେ ରିମଝିମ୍ ଛନ୍ଦେ

ପଦପାତ କର ଧରା,

ବାଦଲ ଓଢ଼ଣୀ ମଥାପରେ ଟାଣି

ଦିଶୁଥାଅ ମନୋହରା,

ଆଗମନେ ତୁମର,

ଲଭି ତୁମ ପ୍ରୀତି ଫୁଲିଉଠେ ଛାତି

ଆମ ପ୍ରକୃତିରାଣୀର,

ଶୋଭା ମଣ୍ଡିତେ ଦିଶେ ସୁନ୍ଦର ।


ତୁମରି ପରଶେ ଏ ସଚରାଚର

ଜୀବଜନ୍ତୁ ବୃକ୍ଷଲତା,

ତୃଷିତର ଜ୍ଜ୍ବାଳା ତୃପତେ ସରବେ

ଆନନ୍ଦରେ ବିମୋହିତା,

ବାରି ତାପ ଗ୍ରୀଷମ,

ପ୍ରତି ଦେହେ ଭରିଦିଅ ମାଦକତା

ଝରାଇ ଶୀତଳ ପ୍ରେମ,

ଯାହା ଦୁର୍ଲ୍ଲଭ ବି ଅନୁପମ ।


ତୁମ ଆଲିଙ୍ଗନେ ଶ୍ୟାମଳିମା କ୍ଷେତ

ହସିଉଠେ ଖିଲିଖିଲି,

କୃଷକର ପ୍ରାଣ ଆନନ୍ଦେ ବିଭୋର

ଦେହକଷ୍ଟ ଯାଏ ଭୁଲି,

ତୁମ ଜୟ ଗାନରେ,

ଲାଗିପଡେ ନିତି ମନେ ବହି ପ୍ରୀତି

ଛନ୍ଦ ତୋଳି ନାନା ସୁରେ,

ସତେ ପୀୟୂଷ କି ପାନ କରେ ।


ତୁମକୁ ଧାରଣେ ନଦୀ, ପୁଷ୍କରିଣୀ

ବକ୍ଷଦେଶ ଫୁଲିଉଠେ,

ତଟିନୀ ଧାଇଁଣ କଳକଳ ନାଦେ

ମୁହାଣେ ପ୍ରେମିକ ଭେଟେ,

ଅସୁମାରୀ ପ୍ରତୀକ୍ଷା,

ଅବସାନ ଘଟେ ଉତ୍ଫୁଲ୍ଲିତ ପ୍ରାଣେ

ବିସ୍ମରି ଯାଏ ତା' ଦକା,

ତୁମେ ତା'ର ଚିର ପ୍ରିୟ ସଖା ।



Rate this content
Log in