ସମୟର ସଦୁପଯୋଗ

ହଜି ଯାଇଥିବା ଧନ ମିଳିପାରେ

ସଞ୍ଚିହୁଏ ଧନାଗାରେ ।

ବିତି ଯାଇଥିବା ସମୟ ଫେରେନି

ବନ୍ଦ ହୁଏନି ବାକ୍ସରେ ।।୧।।

ଧନକୁ ସାଇତି ରଖାଯାଇପାରେ

ରୋକି ହୁଏନି ସମୟ ।

ଅଯଥା କାର୍ଯ୍ୟରେ ଅମୂଲ୍ୟ ସମୟ

କରିବାନି ଅପଚୟ ।।୨।।

ସମୟର ଯିଏ କରେ ଉପଯୋଗ

ପାଏ ସିଏ ସଫଳତା ।

ଦୁରୁପଯୋଗ ହିଁ କରୁଥିବା ବ୍ୟକ୍ତି

ପାଏ ସଦା ବିଫଳତା ।।୩।।

ସାଧାରଣଭାବେ ଦେଖିଲେ ସମୟ

କ୍ଷିପ୍ରବେଗେ ଗତି କରେ ।

ବାସ୍ତବରେ ସତ୍ୟ ଶରୀର ଆମର

କ୍ଷୟ ହେଉଅଛି ଧୀରେ ।।୪।।

ବିଚାର କରିବା ବିବେକ ଲଗାଇ

ଯେତିକି ସମୟ ଗଲା ।

ପରମାର୍ଥ ପ୍ରାପ୍ତି ମାର୍ଗରେ ସେଥିରୁ

କେତେ ବିନିଯୋଗ ହେଲା ।।୫।।