ସୁଖୀ ଜୀବନ

ତ୍ରେତୟାରେ ରାମ ଦ୍ୱାପରେ ପାଣ୍ଡବ

ଶିକ୍ଷା ଦେଲେ ମାନନୀୟ ।

ନୀତି ଓ ନିୟମ ସତ୍ୟ ଓ ଧରମ

ମାନବର ପାଳନୀୟ ।।୧।।

ନୀତି ଓ ନିୟମ ନମାନି ମାନବ

ଦେଖାଏ ଅହଂର ବଳ ।

ସେଥିପାଇଁ ତାକୁ ସହିବାକୁ ପଡେ

ନାନା କୃତକର୍ମ ଫଳ ।।୨।।

ସୁଖ ଶାନ୍ତି ପାଇଁ ଶରୀର ଓ ମନ

ସୁସ୍ଥ ହେବା ଅନିବାର୍ଯ୍ୟ ।

ସୃଷ୍ଟି ରକ୍ଷା ପାଇଁ ପ୍ରକୃତିର ରକ୍ଷା

ନିହାତି ଅପରିହାର୍ଯ୍ୟ ।।୩।।

ଇନ୍ଦ୍ରିୟ ସଂଯମେ ବୃତ୍ତି ନିୟନ୍ତ୍ରଣ

ମନ ଶାନ୍ତି ପାଇଁ ଧ୍ୟାନ ।

ଜୀବନ ନିର୍ବାହ କରିଲେ ମାନବ

ଲଭି ଆଧ୍ୟାତ୍ମିକ ଜ୍ଞାନ ।।୪।।

ଜୀବନ ଯୁଦ୍ଧରେ ହାରନ୍ତାନି କେବେ

ସଫଳତା ପ୍ରାପ୍ତି ପଥେ ।

ସଂକଳ୍ପ ସଂଯମ ସ୍ୱାଧ୍ୟାୟ ବଳରେ

ସିଦ୍ଧି ପ୍ରାପ୍ତ ଦେହ ରଥେ ।।୫।।

ଦୟା କ୍ଷମା ଶ୍ରଦ୍ଧା ପ୍ରେମ ଭକ୍ତି ତ୍ୟାଗ

ଆପଣେଇ ନେଇ ଜନ ।

ଖୁସିରେ ବଞ୍ଚନ୍ତା ଅମୃତ ମାନବ

ସୁସ୍ଥ ଦୀର୍ଘାୟୁ ଜୀବନ ।।୬।।

ହେ ଦିବ୍ୟ ମାନବ ତୁହି ପରା ଅଟୁ

ପରଂବ୍ରହ୍ମଙ୍କର ଅଂଶ ।

ଜାଗରିତ କଲେ ଅନ୍ତରାତ୍ମା ତୋର

ସଂକଟ ହୋଇବ ଧ୍ୱଂସ ।।୭।।