ଶ୍ରୀରାମ

ହେ ଯୁଗଯୁଗର_ମର୍ଯ୍ୟାଦା_ପୁରୁଷ

ବିଶ୍ୱଦୃଷ୍ଟାନ୍ତ ତୁମେ ଶ୍ରେଷ୍ଠ ଆଦର୍ଶ

ନରରୂପେ ଦେବତ୍ତ୍ୱ, ସୁଶିକ୍ଷାର ଶୀର୍ଷ

ଭକ୍ତି-ତ୍ୟାଗ-ନିଷ୍ଠା-ଦୟା-କ୍ଷମା-ବୀର

ତବଚରଣେ ସାରା ସଂସାରର ଜୁହାର, । ୧ । 

ହେ ପ୍ରଜାବତ୍ସଳ ସୁପୁତ୍ର ସୁଶାନ୍ତ ମାନବ

ପ୍ରଭୁ ତୁମେ ପ୍ରକୃତିର ଶ୍ରେଷ୍ଠ ସଜୀବ

ଆଜ୍ଞାକାରୀ ତୁମେ ତପସ୍ୱୀ ହେ ରାଜୀବ

ତୁମ ବିନା ଏହି ଭୂମି ନିଶ୍ଚଳ ଅସାର

ତୁମ ପୟରେ ପରା ସାରା ସଂସାର, । ୨। 

ହେ ନିୟମର ଲଙ୍ଘନହୀନ ଶ୍ରୀଦେବ

ତୁମ ପାଶେ ସ୍ନେହ-ଶ୍ରଦ୍ଦାର ଅତୁଲ୍ୟ ଭାବ

ଭାତୃଭାବର ଉଦାହରଣ ହେ ଶ୍ରୀଭାବ

ଆକାଶର ଅସୀମ ସ୍ୱଚ୍ଛତାର ସାର

ସୂର୍ଯ୍ୟ ଚନ୍ଦ୍ର ଥିବା ଯାଏ ଏ ଜଗତ ତୁମର, । ୩। 

ପ୍ରେରଣା ଉତ୍ସ ହେ ପ୍ରତିଜ୍ଞାର ପ୍ରତିଷ୍ଠା ପୁରୁଷ

ଧରିତ୍ରୀ ତୁମର ଭକ୍ତ ସେବାର ତୁମେ ଆକାଶ

ସତ୍ୟ-ପବିତ୍ରତାର ତୁମେ ମଧୁର ପୀୟୂଷ

ପ୍ରୀତି-ପ୍ରେମର ଶାନ୍ତ ସୁନୀଳ ଅସୀମ ସାଗର 

ନତମସ୍ତକ ସଦା ତୁମ ପାଦେ ହେ ଜଗତବୀର । । ୪।