ଶ୍ରୀମନ୍ଦିର ବିଜେ

ଜଗନ୍ନାଥ ଚାରିଅକ୍ଷର

ଚାରିଧାମ ଭିତରେ ସାର

ମୋ କଳା ଠାକୁର

ପୁରୀ ସରକାର ଗୋସେଇଁ

ମଣିଷ ସମାଜେ ବାର୍ତ୍ତା ଦେଇ

ମଣିଷ ପରି ପରିପ୍ରକାଶ ହୋଇ

ବଢ଼ାଏ କେତେ ବେଭାର

ରାମାୟଣ ଚାରି ଅକ୍ଷର

ଭାଗବତ ଚାରି ଅକ୍ଷର

ପରଂବ୍ରହ୍ମ ଚାରି ଅକ୍ଷର

କୃପା ପାରାବାର ସେ ବଡ଼ଠାକୁର

ଅଧରାମୃତ ସଭିଙ୍କୁ ପିଆଇ 

ଲଷ୍ମୀ ମାଙ୍କୁ ରସଗୋଲା ଭେଟି ଦେଇ

ଦାମ୍ପତ୍ୟ ପ୍ରେମର ଫୁଲ ଫୁଟେଇ

ଜଗତେ ବାଣ୍ଟିବେ ମହତ ଏହି

ପ୍ରେମଭକ୍ତି ଚାରି ଅକ୍ଷର

ପ୍ରେମଫୁଲ ଚାରି ଅକ୍ଷର

ବାଣ୍ଟୁଥିଲେ ପରିବାର ଭିତରେ

ଅସନ୍ତୋଷ ରହିବ ନାହିଁ

ଭକ୍ତ ମନୋବାଞ୍ଛା ପୁରଣ ପାଇଁ

ଭକ୍ତିଅଶ୍ରୁ ଚାରିଅକ୍ଷର ଦେଇ

ଭାବରେ ଭାବବିନୋଦିଆଙ୍କୁ

ଜଡ଼ାଇ ରଖିଲେ ଭବୁ ମୁକ୍ତି ପାଇ

ଚନ୍ଦନ ତିଳକ କସ୍ତୁରୀ ତୁଳସୀ ଦୟଣା

ମଥାରେ ନାଇ ଦିଶୁଥିବେ ଜାଗା କଳା କହ୍ନେଇ

ନୟନରୁ ଭକ୍ତି ଅଶ୍ରୁ ପାଇବା ପାଇଁ

ଚକାଆଖି ଚାରି ଅକ୍ଷର

ସ୍ୱର୍ଗଦ୍ୱାର ଚାରି ଅକ୍ଷର

ମିଶାଇ ଫେଡ଼ି ଗୁଣି ହରି,ହର ଭଜିଲେ

ମୋକ୍ଷ ପାଇ ଯିବୁରେ ମଣିଷ ଭାଇ ।