ଶ୍ରେଷ୍ଠ ପ୍ରେମିକ

କବି ପ୍ରେମ କରେ ପ୍ରେମିକ ପରି 

ନୈଶର୍ଗିକ ଉପମା ଶବ୍ଦକୁ ଥିରି 

ଶବ୍ଦରେ ବତୁରି ପ୍ରେମିକ ହୁଏ ଘାରି 

ଶବ୍ଦମାଳି ପାଇଁ କିଏ ନେଲା ତାହାରି 

କୋଉ ଶବ୍ଦ କାହା ସାଥିରେ ଯୋଡି 

ଉପମା ଅଳଙ୍କାର ଛନ୍ଦ ଛାନ୍ଦେ ଭରି 

କିଏ କଲେ ଚୋରି ଲାଗେ ଭାରି 

ଶବ୍ଦଖେଳ ଖେଳି କବି ପ୍ରେମିକ ପରି ଉତ୍ତୁରି 

ପ୍ରେମରେ କବିତା ଲେଖେ ବତୁରି ହେଉ ସତୁରି 

ପ୍ରେମେ ଧୋକା ଖାଇ ବୋକା ବୋଲି ନାହିଁ ମନେ ତାହାରି 

ରଖିଥାଏ ବାସ୍ନା ଭରି ଶବ୍ଦମାଳିରେ ଫୁଲ ଶର ପରି 

କବିତା ବନିତା ଲତାଙ୍କ ପରି 

ଆଜି କାଲି ଓ ଆସନ୍ତାକାଲି ଶବ୍ଦପାହାଡ଼ ପରି 

ମୁଣ୍ଡେଇ ରଖେ ସେ ନିଜ କଥା ଭିତିରି 

କବିତା ଲେଖେ ଚିଠିଟେ ପରି 

ପବନ କୁଆଡେ ବହୁଛି ବାରି 

କବିତାକୁ କରିବାକୁ ଚାତୁରୀ 

ଲାଗିଥାଏ କବି ପାରିଲା ପଣିଆ ଦେଖାଇ କରି 

କବି ମୁଁ ପ୍ରେମିକ ଶବ୍ଦ ମୋ ପ୍ରେମିକା 

କବିତା ମୋ ପ୍ରେମ ସନ୍ତକ ଡୋରି 

କବିତାକୁ କବି ମାଧ୍ୟମ କରି 

ପ୍ରେମ ଦଙ୍ଗାରେ ତଲେଇ ପରି 

ବାନ୍ଧି ଭାବୁଥାଏ ବିକଳ୍ପ ଶବ୍ଦର ସିଏ ନାଉରୀ 

ରୂପବତୀ ଗୁଣବତୀ ଶବ୍ଦର ପାରିଲାପଣିଆ ଭାରି 

ଆସେ ମାନସରୁ ଉତ୍ତୁରି ବତୁରି ଦେଖାଇ ଶିରୀ