ଶ୍ରେଷ୍ଠ ଦାନ
ଶ୍ରେଷ୍ଠ ଦାନ
ଚିନ୍ତା ଚେତନାରେ ଆଣିବା ପରିବର୍ତ୍ତନ
ମାନବିକତାର ମାପଦଣ୍ଡେ
ଗଢିବା ଆସ ମାନବ ସମାଜ
ତାକୁ ଆଶ୍ରା କରି ଜିଇଁବା ଆମ ଜୀବନ ।
ମନ ମୁନ କରି ଏକାକାର
ପରିବର୍ତ୍ତିତ କରିବା ଆମ ବେଭାର
ସମାଜେ ଆଣିବା ଶାନ୍ତି
ହଟାଇବା ବିଶ୍ଵୁ ବାତାବରଣ ଅବିଶ୍ଵାସର ।
ଦୟା କ୍ଷମା ଭଲପାଇବା ହେଉ
ଆମ ଅସ୍ତ୍ର ଦୈନଦିନ ଜୀବନର
ବିଶ୍ଵେ ନ ରଚିବାକୁ ଦେବା ହାହାକାର
ସମଭାବାପନ୍ନ ଭାବ ହେଉ
ଆମରି ଆଚାର ।
ଯୁଦ୍ଧ ଓ କ୍ଷୁଧାର ବିଭୀଷିକା ରୁ
ବିଶ୍ଵକୁ କରିବା ମୁକ୍ତି
ଶିକ୍ଷା ସଭ୍ୟତାର ପରିଚୟ ଦେଇ
ବିଶ୍ଵେ ଆଣିବା ମୈତ୍ରୀ ଓ ଶାନ୍ତି ।
ହୀନମନ୍ୟତା କୁ ମନୁ ହୃଦୁ କରି ଦୂର
ସକଳ ଜନଙ୍କୁ ଚିନ୍ତିବା ନିଜର
ଭେଦଭାବ ତୁଟାଇ ମନୁ ପର ଆପଣାର
କରିବା ଆସ ଆମ
ଦେଶକୁ ବିଶ୍ଵକୁ ସରସ ସୁନ୍ଦର ।
ଧର୍ମ ନାଁରେ ଜାତି ନାଁରେ
କେହି ଆମେ ଭାଇ ଲଢିବାନି
ଅନ୍ଧ ଭାବେ ଅନ୍ଧବିଶ୍ୱାସ କୁ
ଅନ୍ଧ ଭକ୍ତ ସାଜି ପଢିବାନି ।
କରିବା ଆମ ଜ୍ଞାନକୁ ସଶକ୍ତ
ନ ସାଜିବା କେଉଁ
ନୀତି ଆଦର୍ଶର ଅନ୍ଧ ଭକ୍ତ
ନିଜ ଅଧିକାର ଓ ସ୍ଵାଧୀନତା ପାଇଁ
ହସି ହସି ଆମ ଜୀବନ ଦେଇ
ମାତୃଭୂମି ପାଇଁ ଆମେ ଦେବା ରକ୍ତ ।
ଖୋଜିବା ଆସ ଶାନ୍ତି ମୁକ୍ତିର ପଥ
ଗାଇଯିବା ଖାଲି ମୈତ୍ରୀ ଏକତା ର ଗୀତ
ସଭିଏଁ ସଭିଙ୍କୁ ସମ୍ମାନ ଦେଇ ଭାବିବା ମିତ
ଆମ ମାନସିକତା ରେ ଆଣି ପରିବର୍ତ୍ତନ
ଧରିତ୍ରୀ ମାତାକୁ ଚିର ସବୁଜ କରି
ମାତୃଭୂମି ଓ ବିଶ୍ଵ ମାତୃକାର ରଖିବା ମାନ
ଏହା ହିଁ ଆଜିକା ଦୁନିଆଁରେ ହେବ
ମଣିଷ ସମାଜ ପାଇଁ ମଣିଷର ଶ୍ରେଷ୍ଠ ଦାନ ।