ଶରଧାବାଲି

ଶରଧା ବାଲିରେ ଅଟକିଛି ରଥ

    ଆଡପ ମଣ୍ଡପ ସଜ

   ଜନମବେଦୀକୁ ଚତୁର୍ଦ୍ଧାମୂରତି

    ପ୍ରସ୍ତୁତ ବିଜୟ ପର୍ବ ।

 ବରଷକେ ଥରେ ଗୁଣ୍ଡିଚା ମନ୍ଦିର

    ହୋଇଛି ଚଳ ଚଞ୍ଚଳ

  ସରିଲେ ପହଣ୍ଡି ଆଡପ ମଣ୍ଡପେ

    ଯୋଗ ଦୁର୍ଲଭ ଦର୍ଶନ ।

 ନିତ୍ୟ ଅବକାଶ ମଉସୁମୀ ରାସ

    ମଣୋହି ଅମୃତ ସ୍ୱାଦ

  ଶ୍ରଦ୍ଧାଳୁ ଆତୁରେ ରହିଛନ୍ତି ଚାହିଁ

     ପାଇବେ ମହାପ୍ରସାଦ ।

  ଦୃଢ଼ ଆତ୍ମବଳ ଶରଧା ବିଶ୍ବାସେ

     ମହାରାଣୀ ଶ୍ରଦ୍ଧାଦେବୀ

   ପୋତିଲେ ବାଲିରେ ରଥଯାତ୍ରା ଲାଗି

     ପ୍ରଖର ମାଳିନୀ ନଦୀ ।

  ଦିନ ମାସ ବର୍ଷ ସହସ୍ର ଅନେକ

      ଯାଇଛି ସମୟ ବିତି

    ଆଜି ବଡ଼ଦାଣ୍ଡ ଶ୍ରଦ୍ଧାବାଲି ରେଣୁ

      ବିତରେ ଶରଧା ସ୍ମୃତି ।