ଶ୍ରଦ୍ଧାଞ୍ଜଳି ବିଜୁବାବୁ

ମୁକୁଟ ବିହୀନ କଳିଙ୍ଗ ସମ୍ରାଟ ଉତ୍କଳ ର ବର ପୁତ୍ର

ଅନେକ ଅଲିଭା ଇତିହାସ ରଚି ଟେକଇ ଗୈାରବ ଛତ୍ର ।

ସପନ ଯାହାର ଗଢ଼ିବାକୁ ନୂଆ ବିଭବଶାଳିନୀ ରାଷ୍ଟ୍ର

ଓଡ଼ିଆ ଜାତିର ଉତୁଙ୍ଗ ବ୍ୟକ୍ତିତ୍ଵ,“ସେ ବିଜୁ ପଟ୍ଟନାୟକ” ।

ଦୂରଦ୍ରଷ୍ଟା ସ୍ଵାଭିମାନୀ ମାତୃଭୂମି ସେବାରେ ବିତାଇ ଦିନ

ସଫଳତା ଶିର୍ଶ ଶିଖର କୁ ଛୁଇଁ ସାକାର କରିଛ ସ୍ଵପ୍ନ ।

କ୍ରାନ୍ତିକାରୀ ଦୁଃସାହସୀ ହେବିକ୍ରମି ଜୀବନ କରିଛ ଧନ୍ୟ

ତବ ଜୟଜାତ୍ରା ବିଜୟର ଜୈତ୍ରୀ ଉଡୁଥିବ ସବୁଦିନ ।

ଜନମାନସର ପରାଣେ ପରାଣେ ଅଲିଭା ଚିତ୍ର ତୁମେ

ଓଡ଼ିଆ ପୁଅର ଗରବ ଗରିମା ରଖିଛ ଭାରତ ଭୂମେ ।

ବିଶ୍ଵଆକାଶରେ ଇର୍ଷଣୀୟ ଏକ ଉଜ୍ଜ୍ୱଳ ଆଲୋକ ରେଖା

ଭାରତୀୟବୀର ମହାମାନ୍ୟତୁମେ ଲେଖିବାକୁନାହିଁ ଭାଷା ।

ବିଶ୍ଵଆକାଶର ଦୀପ୍ତିବନ୍ତ ସୂର୍ଯ୍ୟ ଆଜି ମନେପଡେ ତୁମକଥା

ଭକ୍ତିପୂତ ଶ୍ରଦ୍ଧାଞ୍ଜଳି ଅର୍ପିଦେଇ ନମଇଁ ନୁଆଇଁ ମଥା ।