!! ଶର୍ବରୀ ଗୋ ତୁମ କବରୀ କୁଞ୍ଜରେ
!! ଶର୍ବରୀ ଗୋ ତୁମ କବରୀ କୁଞ୍ଜରେ
ଶର୍ବରୀ ଗୋ ତୁମ କବରୀ କୁଞ୍ଜରେ
ତାରା ଫୁଲଟିଏ ହେବି ,
ସଞ୍ଜ ସଳିତାର ମହକ ଚୋରାଇ
ଗୋଧୂଳି ବେଳାର ବଇଁଶୀ ବଜାଇ
ପ୍ରତୀଚୀରେ ହସୁ ଥିବି
ଶର୍ବରୀ ଗୋ ତୁମ
ଜହ୍ନ ଜୋଛନା ରେ ଭିଜା ଦୁକୁଳରେ
ଅଳସ ମୁଁ ଭାଙ୍ଗୁ ଥିବି ,
ଝରା ସେଫାଳୀ ର ଭୁରୁ ଭୁରୁ ବାସ
ଚକୋର ପକ୍ଷୀର ବିରହ ଉଦାସ
ବୁକୁରେ ମୋ ଭରି ଥିବି
ଶର୍ବରୀ ଗୋ ତୁମ
ପାହାନ୍ତି ରାତିର ସପନେ ଗୋପନେ
ଲପନ ମୁଁ ଚୁମୁ ଥିବି ,
ଚୋରା ଚଇତାଳି ଦେହେ ମୋର ବୋଳି
ନିଦ ମାଉସୀର ଝୁଲଣାରେ ଝୁଲି
ପିକ ହୋଇ ଗାଉ ଥିବି
ଶର୍ବରୀ ଗୋ ତୁମ
ରଜନୀ ଗୋ ତୁମେ ସଜନୀ ମୋ ପ୍ରିୟା
କବିତା ତୁମେ ମୁଁ କବି ,
ବିରହର ତୁମେ ବିଭାବରୀ ମୋର
କଜଳ କଳାର ଫୁଲ କାମଶର
ଉଷା କାଳେ ଲିଭି ଯିବି
ଶର୍ବରୀ ଗୋ ତୁମ