ପାପବୋଧ
ପାପବୋଧ
1 min
182
ଏ ହାତ ପାପ ତ ସେ ହାତ ନିଏନି ସଜନୀ
କେମିତି ପାପରେ ସଙ୍ଗୀ ହେବି ଦିବା ରଜନୀ ,
ପାପ ତ ମୋହର ଏ ବେନି ନୟନ ଜୀବନେ
ତା ବିନା କି ଦେଖି ପାରନ୍ତି ତୋ ଦେହ ମଗନେ ?
ପାପ ମୋର ଜିହ୍ବା ଗାଇବାକୁ ତୋର ବନ୍ଦନା
ତିମିର ଘୋର ଏ ଅଳିକ ଜୀବନ ଯାତନା ,
ପାପ ମୋର ଚର୍ମ ପରଶ ଲାଗିତୋ ବାଉଳା
ଦେଖୁନୁ କେମିତି ଦିବସ ରଜନୀ ମୁକୁଳା !
ପାପ ରେ ପଖଳା ଏଦୁଇ ଶ୍ରବଣ ଆତୁର
ସଜନୀ ଲୋ ସତ ,ତୋତେ ପଛେ ମିଛ ଅସାର ,
ତୋ ଦେହ ଦେଉଳ କୁସୁମ ସୁବାସେ ଅଧିର
ମୋ ନାସାପୁଟରେ ଚହଟେ ତୋ ବାସ ମଧୁର ।
ଏତେ ପାପ କିଆଁ ପୀରତି ରଚିଲେ ପ୍ରିୟା ରେ
ତୋ ବିନା କି ଜୀବ ପୂଣ୍ୟ ଲଭିବ ମହୀରେ !