ଶ୍ରବଣ କୁମାର

ଅଯୋଧ୍ୟା ରାଜ୍ୟର ଶୁଦ୍ରକୂଳେ ଜନ୍ମି

ଥିଲେ ଅନ୍ଧ ମୁନିବର

ପତିପତ୍ନୀଙ୍କର ଶ୍ରବଣ ନାମରେ

ଥିଲା ଏକଇ କୁମର ।

ପିତାମାତା ହେଲେ ଅନ୍ଧ ଓ ଅନ୍ଧୁଣି

ଶ୍ରବଣ ନେତ୍ର ପିତୁଳା

ଅତି ଆଦରରେ ପିତାମାତା ସେବା

ନିତି କରେ ମୁନି ବଳା ।

ଏକଦା ପିତା ପୁଛା କଲେ ଶ୍ରବଣ

ତୀର୍ଥ ଭ୍ରମଣରେ ଇଚ୍ଛା

ପବିତ୍ର ସ୍ଥାନରେ ପାଦ ଥାପି ଦେଲେ

ପୂର୍ଣ୍ଣ ହେବ ମନବାଞ୍ଛା ।

ପିତାମାତାଙ୍କର ଇଚ୍ଛାକୁ ସମ୍ମାନ

ଦେବା ପାଇଁ ମୁନି ସୁତ

ଭାର କରି ବୋହି ତୀର୍ଥ ଭ୍ରମଣରେ

ବାହାରିଲେ ମୁନି ସୁତ ।

କାନ୍ଧରେ ବହନ କରି ପିତା ମାତା

ତୀର୍ଥ ଗମନେ ଚଳନ୍ତି

ସରଜୁ ନଦୀରୁ ଜଳ ଆଣିବାକୁ

କମଣ୍ଡଳୁ ଧରି ଯାନ୍ତି ।

ଏହି ସମୟରେ ପ୍ରବେଶ ସେଠାରେ

ହେଲେ ୠଷି ପର୍ଶୁରାମ

ତୃଷା ଲାଗିଲାଣି ଜଳ ଦିଅ ମୋତେ

ଚକିତେ ହେଲେ ଶ୍ରବଣ ।

ବୋଲେ ଧୀରେ ବାଣୀ ଆହେ ଋଷିବର 

ମୁଁ ଜେ ଶୁଦ୍ର ମାତ ସୁତ

ସ୍ଵର୍ଗ ଦେବ ପରି ଲାଗନ୍ତି ଆପଣ

ମୋ ଜଳ ଯୋଗ୍ୟ ନୁହେଁ ତ ।

ପର୍ଶୁରାମ ହସି ବୋଲିଛନ୍ତି ଭାସି

ମାତା ଶୁଦ୍ର ନୁହେଁ ତୋର

ଧନ୍ୟ ପିତାମାତା ଧନ୍ୟ ତୋ ଜୀବନ

ବହିଛୁ ତାଙ୍କୁ କାନ୍ଧର ।

ବୋଲନ୍ତି ଶ୍ରବଣ ଆହେ ମୁନି ଶୁଣ

ଏହି ମୋର ପିତା ମାତା

ଆଜ୍ଞା ଦେଲେ ଦେବି ଜଳଦାନ ପ୍ରଭୂ

ଆହେ ପ୍ରଭୂ ବ୍ରହ୍ମ ବେତ୍ତା ।

ହସି ବିଶ୍ୱାମିତ୍ର ବୋଲୁଛନ୍ତି ଗିର

ଦିଅ ବାବୁ ମୋତେ ନିର

ଶୁଦ୍ର ନୁହେଁ ତୋର ସ୍ନେହ ପ୍ରେମ ଶ୍ରଦ୍ଧା

କିଣିଛି ମନ ମୋହର ।

ଶ୍ରବଣ କୁମାର ଜଳ ଦାନ କରି

ବୋଲୁଛନ୍ତି ଧୀରେ ବାଣୀ

ପିତା ମାତା ଟିକେ ଦର୍ଶନ ନିମନ୍ତେ

କରୁଛି ପ୍ରଭୂ ମାଗୁଣି ।

ଚଳି ପର୍ଶୁରାମ ଦେଲେ ଦରଶନ

ମାତା ପିତା ହେଲେ ଧନ୍ୟ

ଯୁଗେ ଯୁଗେ ତୁମେ ଅମର ହୋଇବ

କରୁଛି ଏହି କଲ୍ୟାଣ ।

ଅଯୋଧ୍ୟା ନରେଶ ଦଶରଥ ବାଣ

ଭେଦିଲା ସିନା ପରାଣ

ୠଷି ପର୍ଶୁରାମ ଦର୍ଶନ ଲଭିଣ

ପିତା ମାତା ହେଲେ ଧନ୍ୟ ।

ଅମର ହେଲେ ଶ୍ରବଣ

ବାଣ୍ଟି ଗଲେ ବାର୍ତ୍ତା ପିତାମାତା ସେବା

କରେ ନିତି ଯେଉଁ ଜନ

ତାଙ୍କରି ଆଶିଷେ ମାନବ ଜୀବନ

ହୋଇ ଯାଇଥାଏ ଧନ୍ୟ

ଶ୍ରବଣ କୁମାର ଧନ୍ୟ l