ଓଡ଼ିଆ

ସବୁରି ବଦନ ଏକଶ୍ୱରେ ଗର୍ଜୁ

ଭାଷା ଜନନୀର ଜୟ

ବିଶ୍ୱ ବିଦିତ ଓଡିଶା ଓଡ଼ିଆ

ହେଉ ଆମ ପରିଚୟ।।

ଏ ଭାଷା ସଂଗ୍ରାମେ ଲୋଡ଼ା ନାହିଁ କିଛି

ଜାତି ପତି ରୂପ ଭେକ,

କରୁଛି ମୁଁ ପଣ କର ତୁମେ ପଣ

ରଖିବାକୁ ଭାଷା ଟେକ।।

ଲେଖ ଦୁଇ ଧାଡି କୁହ ଚାରିପଦ

ବଢିବ ଓଡ଼ିଆ ମାନ,

ଖଣ୍ଡି ଇଙ୍ଗିରାଜି ଅପମିଶ୍ରିତ ଯେ

ବର୍ଣ୍ଣସଙ୍କରିଆ ଜ୍ଞାନ।।

ଓଡ଼ିଆ ଭାଷାର ସ୍ଵାତନ୍ତ୍ର୍ୟତା ଅଛି

ନୁହେଁ କାହାଠୁ ଉଧୃତ,

ଲିପି, ଭାଷା, ଆଉ ସାହିତ୍ୟ ସମ୍ପଦ

ସବୁ ଅଟଇ ତଦ୍ଧିତ।।

ଶାସ୍ତ୍ରୀୟ ମାନ୍ୟତା ପାଇଛି ଓଡ଼ିଆ

ବହୁ ତର୍କ ତର୍ଜମାରେ,

ଅନ୍ଯ ଭାଷା ଠାରୁ କେବେ ଊଣାନୁହେଁ

ଭଲ ସହସ୍ର ଗୁଣରେ।।