ଶ୍ରାବଣର ଅଭିସାରିକା ମୁଁ

ଶ୍ରାବଣ ବର୍ଷାରେ ଶରଦ ରାତିର

ଜହ୍ନ ହସେ କଇଁ ଦେଖି,

ଜ୍ୟୋତ୍ସ୍ନା ବିଧୌତ ଶାରଦ ରଜନୀ

ଅଛି ଦୁଇ ପ୍ରେମେ ସାକ୍ଷୀ ।

ବୈଶାଖି ତାତିର ଶାନ୍ତି ଆଶାୟୀ

ସ୍ମୃତି ର ବିରହୀ ମନ,

ବସନ୍ତ କହୁଛି ଦୁରୁ ହାତ ଠାରି

ଆସୁଛି ମଳୟ ଦିନ ।

ହଜିଲା ସପନ ଖୋଜୁଛି ନିଦରୁ 

ସାଇତିବି ବୋଲି ସ୍ମୃତି,

ହେମନ୍ତ ରାତିର ଗଙ୍ଗଶିଉଳୀ ମୁଁ

ବର୍ଷା ମୋ ଚୀର ସାଥୀ ।

ସମୟ ଖେଳୁଛି ସ୍ବପ୍ନ ସାଥୀରେ

କଳ୍ପନା ର ଲୁଚକାଳି,

ଅଭିସାରିକା ମୁଁ ସ୍ମୃତିର ନାୟୀକା

ଆଶା ମୋର ମରୁବାଲି ।