ଶ୍ରାବଣୀ ଗୋ ତୁମେ !

ଶ୍ରାବଣୀଗୋ ତୁମେ !

କେଉଁ ରାଇଜରେ

ରହିଲ ଗୋ ତୁମେ

ମନେକି ପଡୁନି ଥରେ

ବର୍ଷାରେ ଦିନେ ଭିଜୁଥିଲେ ଆମେ

ମେଘ ରାଇଜର ସୁରେ 

ଶ୍ରାବଣୀ ଗୋ ତୁମେ !

ଆକାଶରେ ରହି

ଦେଖୁଛ କଣେଇ କଣେଇ

ଡାକିବିକି ଆଦରରେ

କାହିଁକି ଡାକିବି

ବୁଝିନ ପାରଇ

ଜାଣିନି ମୁଁ ହୃଦୟରେ 

ଶ୍ରାବଣୀ ଗୋ ତୁମେ !

ପାଦର ଘୁଙ୍ଗୁରୁ ରୁଣୁ ଝୁଣୁ ହେଲେ

ନିଦ ହଜିଯାଏ ମୋର

ଝରକା ଫାଙ୍କରେ ଲୁଚି ଦେଖେ

ବର୍ଷା ଭିଜା ଦେହେ ମୋର 

ଶ୍ରାବଣୀ ଗୋ ତୁମେ !

ସଦା ପ୍ରସ୍ତୁତ ରହି ଥାଏ ମୁହିଁ

ଆସିବା ବାଟକୁ ତୁମର

ବେଳ ଅବଳେ ଭାବିନି ମନରେ

ରଖିଛି ମୋ ଖୋଲା ଦ୍ୱାର